11:52 / 19-04-2024
BDU tələbəsi intihar edib
İlham İsmayıl: “Hədsiz səlahiyyətlər Naxçıvanı rəsmi Bakının təsirindən xeyli uzaqlaşdırmışdı”
Tarix: 27-11-2022 11:04 | Bölmə: Siyasət
İlham İsmayıl: “Hədsiz səlahiyyətlər Naxçıvanı rəsmi Bakının təsirindən xeyli uzaqlaşdırmışdı”

“Dövlət Təhlükəsizliyi Xidmətinin Naxçıvanda apardığı əməliyyatın başlanğıcı DTX Naxçıvan Baş idarəsini yaradanda qoyulmuşdu”.

Reyting.az
xəbər verir ki, bunu “AzPolitika.info”-ya təhlükəsizlik məsələləri üzrə ekspert İlham İsmayıl Dövlət Təhlükəsizliyi Xidmətinin (DTX) Muxtar Respublikada keçirdiyi əməliyyatları şərh edərkən deyib.

İ. İsmayıl əlavə edib ki, Azərbaycan müstəqillik əldə etdikdən bəri Naxçıvan Muxtar Respublikasına verilmiş hədsiz səlahiyyətlər Naxçıvanı rəsmi Bakının təsirindən xeyli uzaqlaşdırmışdı. “Faktiki olaraq, Naxçıvana getmək naxçıvanlı olmayan Azərbaycan vətəndaşları üçün problemli olub. Naxçıvandakı güc strukturları isə Bakıya hesabat verməkdən yayınırdılar. Mülki qurumlara da bir əlahiddəliyin verilməsi bölgə məmurlarını şişirtmiş və özbaşınalığı hədsiz səviyyəyə çatdırmışdır...Buna son verməyin zamanı çoxdan çatıb”, - deyə İ. İsmayıl qeyd edib.

Ekspertin məlumatlarına görə, Naxçıvanın idarə edilməsində Bakının rolunun artırılması gündəmdədir və bu istiqamətdə köklü dəyişikliklər gözlənilir.

Onun sözlərinə görə, Naxçıvan Muxtar Respublikasının nazirliklərinin də birbaşa Bakıda olan nazirliklərə baş idarələr formasında tabe ediləcəyi gözlənilir, o cümlədən rayonların icra hakimiyyətləri...

“Ümumiyyətlə, Naxçıvan Muxtar Respublikası Nazirlər Kabinetinin ləğvi məqsədəuyğun sayılır. Naxçıvan rəhbərliyi bu islahatlarla barışmalı, yersiz müqavimət və narazılıqlar ifadə etməməlidir”, - İ. İsmayıl əlavə edib.




Bölməyə aid digər xəbərlər
{sape_links}{sape_article}