Ekstrasens Bayram Nurlu cinsini dəyişib? - Açıqlama
Tarix: 14-06-2021 00:03 | Bölmə: Şou-biznes
Ekstrasens Bayram Nurlu cinsini dəyişib?

Bir müddət əvvəl yerli KİV-lərdə ekstrasens, İnstagram fenomeni Bayram Nurlunun cinsini dəyişməsi barədə məlumat yayılıb.

Reyting.az
xəbər verir ki, “Bizim.Media” yayılan məlumatlara aydınlıq gətirmək üçün B. Nurlu ilə əlaqə saxlayıb. Ekstrasens yayılan məlumatların əsassız olduğunu bildirib.

B. Nurlu deyib ki, yayılan məlumatların əsası yoxdur, şayiədir: “Əgər mən həqiqətən də cinsimi dəyişmək istəsəydim utanmadan, qorxmadan çıxıb açıqlama verərdim. Ancaq mənim elə bir planım və fikrim yoxdur. Reytinq üçün 3 dəfə qadın obrazı ilə çıxış etsəm də, mütləq 2 dəfə kişi obrazı ilə görünürəm. Mən insanlara bu obrazlarla maraqlıyam”.

B. Nurlu cəmiyyət arasında çaşqınlıq yaradan, əsassız məlumatların yayılmasına səbəb olan yeni obrazından da danışıb.

B. Nurlu qeyd edib ki, hazırkı imici tezliklə işıq üzü görəcək “Mənim dünyam” adlı yeni mahnısının klipi üçün nəzərdə tutulub: “Klip Avropasayağı bir ekran işi olacaq. Orada müxtəlif qadın və kişi obrazları var. Bu səbəbdən də mən yeni imicimi gizli saxlamaq üçün son zamanlar efirlərdə görünmürdüm. Görünür, yeni imicim insanlar tərəfindən birmənalı qarşılanmayıb”.

Fenomen hər zaman xeyriyyəçilik işləri ilə məşğul olduğunu da bildirib. O, jurnalistlərin çox vaxt onun yaxşı əməllərini işıqlandırmadıqlarını, onu ancaq əsassız xəbərlərlə gündəm etdiklərindən də şikayətlənib.

“İnandırım sizi, mən uşaqlar evinə də gedirəm, qazilərə də yardım edirəm. Pandemiya dövründə o qədər xalq artistlərinə yardım etdim, ancaq media çox vaxt mənim yaxşı əməllərimi işıqlandırmır. Məni gündəmə ancaq bu cür xəbərlərlə gətirirlər. Mən bir az həssas insanam, bu cür hadisələr mənə təsir edir”.




Bölməyə aid digər xəbərlər
bütün xəbərlər
{sape_links}{sape_article}