17:38 / 28-03-2024
Əməkdar artist vəfat edib
Dəniz sahilindəki qanunsuz tikililər sökülür - Fotolar
Tarix: 22-06-2022 14:27 | Bölmə: Cəmiyyət / Xəbərlər
Dəniz sahilindəki qanunsuz tikililər sökülür

Xəzər rayon Buzovna sakinlərinin dənizsahili ərazilərdəki vəziyyətlə bağlı müraciətləri araşdırılıb. Müəyyən edilib ki, 10-15 il əvvəl burada bəzi insanlar tərəfindən dəniz kənarları hasarlanıb, sahilə keçidlər bağlanıb, həmçinin qədim qayalıqlar zibillənib. Bu da sakinlərin haqlı narazılığına səbəb olur.

Bakı Şəhər İcra Hakimiyyətindən (BŞİH) Reyting.az-a bildiriblər ki, bəzi yerlərdə sakinlər qanunsuz olaraq əlavə torpaq sahələrini zəbt edərək öz həyətlərinə birləşdiriblər.

Həm də dənizin geri çəkilməsi ilə əlaqədar sahilyanı ərazilər genişlənib.

Məlumatda qeyd olunur ki, qanunsuzluqların aradan qaldırılması, eləcə də dövlət başçısı cənab İlham Əliyevin Xəzər dənizinin sahilboyu ərazilərinin qanunvericiliyin tələblərinə uyğun olaraq bərpa edilməsi və insanların dəniz sahilinə sərbəst giriş-çıxışı təmin edilməsi ilə bağlı müvafiq Sərəncamının icrası məqsədi ilə səhər saatlarından etibarən Bakı Şəhər və Xəzər Rayon İcra Hakimiyyətlərinin, kommunal qurumların texnikaları və işçiləri tərəfindən Buzovna qəsəbəsində sahilyanı ərazilərdəki qanunsuzluqların aradan qaldırılmasına başlanılıb: “Zəbt edilən torpaq sahələrinin hasarları, ərazidə bəzi sənədsiz tikililər, çimərlik ərazisinə daxil olmağa mane olan sədlər sökülür. Həmçinin kommunal xidmətlərin işçiləri tərəfindən qayalıq ərazilərinin müxtəlif tullantılardan təmizlənməsinə başlanılıb”.

BŞİH bildirir ki, təmizlənən torpaq sahələri çimərlik ərazilərinə birləşdiriləcək və əraziyə nəzarət artırılacaq. Eyni zamanda, neqativ hallara yol verilməsinin, ərazinin zibillənməsinin qarşısının alınması ilə bağlı vətəndaşlar arasında maarifləndirmə işlərinin gücləndirilməsi və pozuntulara yol verənlərin qanunamüvafiq qaydada cəzalandırılması nəzərdə tutulub.











Bölməyə aid digər xəbərlər
{sape_links}{sape_article}