12:45 / 08-08-2022
Sabah yağış yağacaq
Şöbə müdiri: “Nazirlik qarşısına etiraz edən şəxs müharibə iştirakçısı deyil”
Tarix: 05-08-2022 20:02 | Bölmə: Cəmiyyət
Şöbə müdiri: “Nazirlik qarşısına etiraz edən şəxs müharibə iştirakçısı deyil”
İsmayıl İsmayılov

Bu gün nazirlik qarşısına gələrək etiraz edən İsmayılov Samir İsmayıl oğlu müharibə iştirakçısı deyil.

Reyting.az
xəbər verir ki, bunu Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspertiza və Reabilitasiya Agentliyinin İctimaiyyətlə əlaqələr şöbəsinin müdiri Tural Qurbanov sosial şəbəkə hesabında bildirib.

T. Qurbanov qeyd edib ki, İsmayıl İsmayılova 2017-ci ildə hərbi xidmət vəzifələrini yerinə yetirməklə əlaqədar əlillik statusu verilsə də, əlilliyinin müddəti 2022-ci ilin fevralında bitib.

Şöbə müdiri yazıb ki, İ. İsmayılov əlilliyinin təkrar qiymətləndirilməsi üçün mart, may və iyul aylarında etdiyi müraciətə dərhal baxılaraq əyani müayinələr aparılıb, diaqnozu əlillik əlaməti təyin etmədiyi üçün təyinatdan imtina edilib. Bu yaxınlarda nazir müavini Hidayət Abdullayevin qəbulunda olarkən də ona ətraflı izahat verilib.

T. Qurbanov bildirib ki, nazirlik İ. İsmayılovun məşğulluq məsələsinə dəstək göstərib. O, aprel ayında DOST İş Mərkəzinin ödənişli ictimai işlər proqramına cəlb edilib, Mərkəz tərəfindən rəsmi əmək müqaviləsi ilə aylıq 300 manat maaş ödənilməklə Nizami Rayonu Mənzil-Kommunal Təsərrüfatı Birliyinə sosial işçi təhkim edilib.




Bölməyə aid digər xəbərlər
Bu gün, 12:45 Sabah yağış yağacaq

{sape_links}{sape_article}