Ukraynanın ən müasir silahları sursatsız qala bilər
Tarix: 25-02-2025 16:01 | Bölmə: Dünya
Ukraynanın ən müasir silahları sursatsız qala bilər

ABŞ-nın hərbi yardımı olmasa, Ukrayna Silahlı Qüvvələri bir müddət sonra sursatsız qalacaq və ən müasir silahlarından bəzilərini istifadə edə bilməyəcək.

Reyting.az
xəbər verir ki, bu barədə “The Wall Street Journal” bir sıra Qərb rəsmilərinə istinadla yazıb.

Pentaqonun keçmiş yüksək rütbəli rəsmisi Celeste Vallander deyib ki, Bayden administrasiyası tərəfindən göndərilən və ya sifariş edilən böyük silah tədarükü ukraynalılara ən azı ilin ortalarına qədər bəs edəcək.

Ukraynalı analitiklər isə iddia edirlər ki, yerli silah tədarükü döyüş meydanında tab gətirmək müddətini qismən uzada bilər.

“Biz altı ay və ya bir il gözləyə bilərik ki, Avropaya döyüş sursatı istehsalına başlamaq üçün vaxt verək”, - Ukrayna ordusunu dronlarla təmin edən “Come Back Alive”nin baş analitiki Nikolay Beleskov deyib.

Nəşrin yazdığına görə, Ukrayna özünün güclü hərbi sənayesini yaradıb və hazırda bu sənaye ildə 30 milyard dollar dəyərində silah istehsal edir ki, bu da əvvəlki illə müqayisədə 6 dəfə çoxdur. 2024-cü ilə qədər ölkə təxminən 1,5 milyon pilotsuz uçan aparat istehsal etmişdi ki, bu da onun cəbhə xəttində əsas müdafiə formasına çevrilmiş və Ukraynaya minimal itkilərlə Rusiyanın hücumlarının qarşısını almağa imkan vermişdi. Bu il Ukrayna rəsmiləri 3000 raket və 30000 uzaq mənzilli dron istehsal etməyi planlaşdırırlar.

Ümumilikdə, Ukrayna hazırda hərbi texnikasının təxminən 55 faizini istehsal edir və ya maliyyələşdirir. Bir Qərb rəsmisinin sözlərinə görə, ABŞ Ukraynanı təqribən 20 faiz, Avropa isə 25 faiz təmin edir.

Rəsmilər və analitiklərin fikrincə, ABŞ-nın bu tədarükləri bitdikdən sonra Ukraynanın uzaq məsafədən zərbələr endirmək və arxa bölgələrini müdafiə etmək qabiliyyəti zəifləyəcək.

2024-cü ildə Avropa İttifaqı, Böyük Britaniya və Norveç birlikdə Ukraynaya təxminən 25 milyard dollar hərbi yardım ayırıb ki, bu da ABŞ-dan çoxdur. Avropa artilleriya mərmilərinin istehsalını artırıb və bu il Avropa İttifaqının yardımını 30 milyard dollara çatdırmaq üçün danışıqlar aparılır.

ELÇİN




Bölməyə aid digər xəbərlər