Dini liderə sui-qəsd cəhdi: terrorçu yaxalanıb
Tarix: 04-10-2019 17:12 | Bölmə: Dünya
Dini liderə sui-qəsd cəhdi: terrorçu yaxalanıb

Bu gün Nəcəf valisi İraqdakı dini lider Ayətullah Seyyid Əli Sistaniyə sui-qəsd etməyi planlaşdıran qrupun yaxalandığını bildirib.

Reyting.az
"IRNA”-ya istinadla xəbər verir ki, Luəy əl-Yassiri “əl-Məyadin” şəbəkəsinə verdiyi müsahibədə deyib:

“Təhlükəsizlik qüvvələri aksiya iştirakçıları arasındakı sui-qəsdçini həbs edib”.

Nəcəfin ziyarətgahlar yerləşən köhnə məhəlləsinə daxil olmağı düşünən qrup üzvləri haqqında məlumat verilməyib.

Qeyd edək ki, İraqda təxminən bir həftədir nümayişlər keçirilir. Ölkənin paytaxtı və digər cənub şəhərlərində oktyabrın 3-dən komendant saatı qüvvəyə minib.

Onu da qeyd edək ki, Ayətullah Sistaninin Kərbəladakı nümayəndəsi Cümə günü xütbəsində İraq səlahiyyətlilərini korrupsiyaya qarşı mübarizəyə və ölkədə gerçək islahatlara çağırıb.

Şeyx Əhməd əl-Safinin sözlərinə görə, hökumət dövlət vəzifələrinə təyinatlar üçün standartlar təyin etməkdən çəkinməlidir. O bildirib ki, məhkəmə və qanunverici hakimiyyət qolları korrupsiyaya qarşı mübarizədə böyük məsuliyyət daşıdığı halda, vəzifələrini yerinə yetirmir.

O, təhlükəsizlik qüvvələri tərəfindən bir sıra etirazçının öldürülməsini və yaralanmasını pisləyib: “Bağdadda və bəzi digər vilayətlərdə nümayişçilərə və ictimai mülklərə qarşı yolverilməz hərəkətlər edildi. Etirazlar qanlı iğtişaşlara səbəb oldu, onlarla insan yaralandı. Bu halları qınayırıq".

Şeyx Safi, həmçinin İraq hökumətini vətəndaşlarının əzablarını yüngülləşdirmək üçün öhdəliklərini yerinə yetirməyə çağırıb.

Kərbəlanın imam-cüməsi bundan əvvəl də korrupsiyaya qarşı mübarizə aparmaq üçün tanınmış hüquqşünaslardan ibarət komitə yaratmağı təklif etdiyini, lakin hökumətin bu təklifi rədd etdiyini deyib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}