Sudandakı uşaq evində 11 yetim acından ölüb
Tarix: 31-05-2023 12:39 | Bölmə: Dünya
Sudandakı uşaq evində 11 yetim acından ölüb

Vətəndaş müharibəsinin davam etdiyi Sudanda, xüsusilə paytaxt Xartumun Sekkane rayonundakı Mayqoma Uşaq Evində 11 uşaq açından ölüb.

Reyting.az
xəbər verir ki, aprelin ortalarından bəri ordu ilə hərbiləşdirilmiş Çevik Dəstək Qüvvələrinin (HDK) döyüşdüyü paytaxt Xartumda elektrik enerjisinin kəsildiyi uşaq evində 11 uşağın ölməsini yerli qurumlar təsdiq edib.

Məlumata görə, vətəndaş müharibəsi nəticəsində bəzi işçilərin qaçıb, buna görə də səhiyyə xidmətini göstərmək mümkün deyil.

Ölümlərin əsasən qidalanma və tez-tez elektrik enerisinin kəsilməsi səbəbindən baş verdiyi qeyd olunur.

Həyatını itirən uşaqlar məhəllə sakinlərinin dəstəyi ilə rayondakı qəbiristanlıqda torpağa tapşırılıblar.

Qeyd edək ki, Sudan ordusu bir vaxtlar dəstəklədiyi, lakin müstəqil və paralel ordu kimi fəaliyyət göstərdiyi üçün təhlükə hesab etdiyi HDK-nın 2 il ərzində tam şəkildə orduya inteqrasiyasını istəyirdi. HDK-nın mülki hökumətdən sonra təxminən 10 il davam edən bir müddətdə bunu qəbul edə biləcəyini bəyan etməsi ilə başlayan söz savaşı və artan gərginlik aprelin 15-i səhər saatlarında paytaxt Xartum və müxtəlif şəhərlərdə tərəflər arasında silahlı qarşıdurmaya çevrilib.

Bir milyondan çox insanın ölkə daxilində didərgin düşdüyünü bildirən Birləşmiş Millətlər Təşkilatı 300 min insanın münaqişələr səbəbilə qonşu ölkələrə qaçdığını açıqlayıb. Ümumdünya Səhiyyə Təşkilatı (ÜST) Sudanda davam edən münaqişələr nəticəsində 850 nəfərin həyatını itirdiyini, 5500 nəfərin isə yaralandığını bildirib. Mayın 29-da tərəflərin atəşkəs rejiminin daha 5 gün uzadılması ilə bağlı qərarına baxmayaraq, Sudanda qarşıdurmalar davam edir.

V. QULİYEV





Bölməyə aid digər xəbərlər
{sape_links}{sape_article}