17:38 / 28-03-2024
Əməkdar artist vəfat edib
Türk əsgərləri Kosovoya girir
Tarix: 03-06-2023 17:02 | Bölmə: Dünya
Türk əsgərləri Kosovoya girir

Türkiyə Milli Müdafiə Nazirliyi Kosovoda baş verən hadisələrdən sonra NATO-nun Birgə Qüvvələr Komandanlığının tələbi ilə komando batalyonunun yerləşdirildiyini və əsgərlərin iyunun 5-nə qədər Kosovodakı Sultan Murat səmtinə yerləşməsi üçün hazırlıqlara başlanıldığını bildirir.

Reyting.az
-ın məlumatına görə, Türkiyə Müdafiə Nazirliyindən Kosovodakı hadisələrlə bağlı verilən açıqlamada bildirilib ki, Türkiyənin BMT, NATO, AB və ATƏT missiyaları və ikitərəfli əlaqələri çərçivəsində regional və qlobal sülh və sabitliyə töhfə verməyə davam etdirilir.

Nazirlik əlavə edib ki, Türkiyə ilə ortaq tarixi və mədəni dəyərlərin olduğu Balkanlarda baş verən hadisələr də yaxından izlənilir:

“Türkiyə konstruktiv mövqe nümayiş etdirir və Kosovonun dost və qardaş şimal bölgəsində regional təhlükəsizliyə və sabitliyə xələl gətirən son hadisələrin dialoq yolu ilə həlli üçün tərəfləri təmkinli olmağa çağırır. Kosovoda baş verən hadisələrdən sonra NATO Birgə Qüvvələr Komandanlığının tələbi ilə əvvəllər NATO Kosovo Qüvvələrinə təyin edilmiş 65-ci Mexanikləşdirilmiş Piyada Briqadamıza bağlı komando batalyonu ehtiyat birlik olaraq təyin edildi. Təyin olunmuş bölməmizin 4-5 iyun 2023-cü il tarixinədək Kosovodakı Sultan Murat səəmtində yerləşdiriləcək”.

Qeyd edək ki, aprelin 23-də Kosovonun şimalında keçirilən növbədənkənar yerli seçkilərdə Alban siyasi partiyalarının namizədləri qalib gəlib, bölgədə çoxluq təşkil edən Kosovo serbləri isə seçkiləri boykot ediblər. Serbiya 2008-ci ildə birtərəfli qaydada müstəqilliyini elan edən Kosovonu öz ərazisi hesab edir. Kosovo 117 ölkə tərəfindən “müstəqil dövlət” kimi tanınsa da, şimalında davam edən etnik gərginlik və BMT-yə üzv ola bilməməsi səbəbindən “Avropanın dondurulmuş münaqişə zonalarından biri” kimi xarakterizə edilir.

Vaxtaşırı qarşıdurma yaşayan Serbiya və Kosovo, 2011-ci ildə başlanan Belqrad-Priştina Dialoq Prosesi çərçivəsində əlaqələrin normallaşması və nəticədə iki ölkənin bir-birini tanıması üçün ortaq yol tapmağa çalışırdılar. Bu prosesdə Avropa Birliyi vasitəçilik missiyası həyata keçirir. Kosovoda Zveçan Bələdiyyəsi ilə NATO Sülhməramlı Qüvvələri (KFOR) qarşısında etiraz aksiyası keçirən serblər arasında baş verən qarşıdurmada ən azı 30 sülhməramlı əsgər və 50-dən çox serb nümayişçi yaralanıb. Hazırda bölgədə durum o qədər də ürəkaçan deyil.

ELÇİN




Bölməyə aid digər xəbərlər
{sape_links}{sape_article}