Lionel Messi: "Arda Turan mövsümə yaxşı başlayıb”
Tarix: 28-10-2016 12:14 | Bölmə: İdman

"Barselona"nın futbolçusu Lionel Messi komanda yoldaşı Arda Turan haqqında danışıb.

Türkiyə mətbuatı xəbər xəbər verir ki, o, türk yarımmüdafiəçinin komanda üçün önəmli oyunçu olduğunu deyib:

"Hamımız onun xüsusi futbolçu olduğunu bilirik. Elə məhz buna görə "Barselona" Ardanı transfer etdi. O, fərqli mövqelərdə oynayaraq komandaya kömək edir. 6 ay futbol oynamadığı vaxt Arda üçün çətin oldu. Ancaq bu dönəmdən yaxşı keçdi".

Argentinalı hücumçu bildirib ki, A.Turan "Barselona"da "Atletiko"da etdiklərindən artığını edəcək:

"Arda mövsümə yaxşı başlayıb. Həm qollar vurur, həm də qol ötürmələri verir. O, bəzən mənim, Neymarın, bəzən də Rakitiç və İnyestanın mövqeyində oynayır. Bu isə hər kəsin edə biləcəyi bir şey deyil. Ardanın qazanacağımız uğurlarda bizə böyük köməyi olacaq".

L.Messi Ardanın Türkiyə millisinə çağırılmamağına da münasibət bildirib:

"Onun niyə milliyə çağırılmadığını bilmirəm. Ümid edirəm ki, qısa zamanda ölkəsi üçün oynamaq şansını qazanacaq". (Qol.az)





Bölməyə aid digər xəbərlər
{sape_links}{sape_article}