Analar və qadınlar » Reyting.az

Xəbər lenti

12:36 / 30-01-2026

Sabah hava necə olacaq? - Proqnoz

12:29 / 30-01-2026

Xankəndi, Xocalı və Ağdərəyə növbəti köç olub

12:20 / 30-01-2026

Nazirliyin əməkdaşı 18 kq qızılla tutulub

12:11 / 30-01-2026

Prezident yeni səfirlərin etimadnamələrini qəbul edib - Fotolar

12:09 / 30-01-2026

ABŞ müdafiə naziri NATO-nun əsas görüşündə iştirakdan imtina edib

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

11:34 / 30-01-2026

Azərbaycan UEFA reytinqində irəliləyib

11:21 / 30-01-2026

Sahibə Qafarovaya ağır itki üz verib

11:11 / 30-01-2026

Bakı və Sumqayıt taksilərinə qadağa: sürücülər niyə geri müştəri götürə bilmir?

11:01 / 30-01-2026

Tanınmış iş adamı həbs olunub - Səbəb

10:57 / 30-01-2026

Ağ ev münaqişəni sona çatdırmağa tələsir

10:47 / 30-01-2026

Bakıda binanın birinci mərtəbəsində blok çöküb

10:37 / 30-01-2026

Bayden Ağ evdən cəmi iki hədiyyəsini aparıb

10:23 / 30-01-2026

Agentlik sədrinin müavini vəzifədən azad edilib

10:22 / 30-01-2026

İndoneziyada Semeru vulkanı püskürüb

10:13 / 30-01-2026

Tramp sülhün əldə olunacağına əmindir

10:12 / 30-01-2026

Abşeronun prokuroru vəzifəsindən azad olunub

10:05 / 30-01-2026

Vəzifəli şəxslər saxlanılıb - Foto

09:55 / 30-01-2026

Rusiya BMT-dən nəyi xahiş edir?

09:46 / 30-01-2026

Ərdoğan: Türk dünyası XXI əsrə öz izini qoyacaq

07:31 / 30-01-2026

Kvant kompüterində "zaman kristalı" yaradılıb

07:18 / 30-01-2026

Ağıllı eynəklərin və süni intellektli cihazların istehsalı artacaq

06:55 / 30-01-2026

Avropa Rusiyanın məşhur şəxslərinə sanksiya tətbiq edib - Fotolar

06:36 / 30-01-2026

Amerikalılar Trampı klassik faşistə bənzədir

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

23:08 / 29-01-2026

Abşeron Gənclər şəhərciyində yaşayış binasında yanğın olub

22:28 / 29-01-2026

Şeyx Əbdül xəstəxanaya yerləşdirilib

22:26 / 29-01-2026

Tramp: Putindən şəxsən xahiş etdim ki, soyuq havalar zamanı Kiyevi atəşə tutmasın

20:07 / 29-01-2026

VIII turun ən yaxşı oyunçusu müəyyənləşib

20:03 / 29-01-2026

Avropa İttifaqı SEPAH-ı terror təşkilatı kimi tanıyıb

Xəbər lentinin davamı

Ən çox oxunanlar

13:37 / 28-01-2026

Bakının dörd qəsəbəsinə metro xətti çəkiləcək

16:16 / 26-01-2026

Keçmiş səfir: ...İrana hücum məsələsi ciddidir - Müsahibə

17:31 / 29-01-2026

Vensin səfəri Güney Qafqaza nə vəd edir?

16:54 / 27-01-2026

Prezident iki nazir müavini təyin edib - Fotolar

11:08 / 27-01-2026

İran mühasirəyə alınır, tezliklə zərbə endirə bilərlər

13:38 / 28-01-2026

Cəbrayıla növbəti köç karvanı gedib - (Yenilənib)

17:21 / 26-01-2026

Nazir müavinlərinin sayı artırılıb

15:06 / 27-01-2026

Buraxılış imtahanında yeni model tətbiq ediləcək

11:59 / 26-01-2026

Vensin Bakı və İrəvana gəlməkdə məqsədi nədir?

14:09 / 28-01-2026

Çinin 48 hərbi nəqliyyat təyyarəsi İrana silah daşıyır

17:41 / 26-01-2026

Cəlaloğlu: İran dünya güclərinin hədəfində qalacaq

14:42 / 26-01-2026

Xocalıya növbəti köç karvanları gedib - (Yenilənib) - Fotolar

Analar və qadınlar - Oqtay Qorçu yazır
Tarix: 11-03-2024 14:05 | Bölmə: Oqtay QORÇU

Şirift ölçüsü:

I yazı

Efirlərdə hay-küy salan bəzi qadınların səsi baş ağrıdır, həm də ürək bulandırır...

Sanki bilərəkdən edirlər, məqsədli təbliğat aparırlar. Elə bil qadınlarımızın xanım-xatın obrazını dağıdıb ailə institutunu tamamilə məhv etməkdi planları. Təhrifçi feministlər, əxlaq anlayışının bir heç olduğunu sübut etməyə çalışanlar, ortalığa düşən, hamıya “dərs verən” alayarımçıq oyunçular, ailədən, dəyərlərdən yox ancaq yataqdan, yəni kişi və qadın arasındakı fiziki bağlılıqdan, intim münasibətlərdən söz açan, əksəriyyəti də qadın olan psixoloqların necə canfəşanlıq etdiyini görəndə adam başlayır hər şeydən şübhələnməyə. Hər nəsnədən, öncə lap elə özündən, yaxın-uzaq bütün qohumlardan, dostlardan, tanışlardan, sənin əziz, doğma sandığın çevrədən, hər gün içinə qarışdığın zəmanə adamlarının toplumundan, xalq və kütlədən, keçmişinin sınağından çıxıb heç vaxt manqurta çevrilməyən, soy-kökünə bağlı olan böyük bir millətdən belə adam az qalır şübhələnsin. Şəkkə düşsən də yenə təmsil etdiyin milləti görüb azca toxtaqlıq tapırsan.

Qadınlar başlanğıc, həyatın davamıdı.

Mentalitetindən, milli adət-ənənələrindən imtina etməyən, həmişə abır-həyasını, namusunu, "Mən"-ini, qürurunu qorumağı bacaran, hətta sosial sıxıntılar içində olsa belə bütün maddi və mənəvi çətinliklərə rəğmən yenə dirəniş göstərib inad edənlər, özünəməxsus dəyərləri ilə tanınıb seçilən, fərqli şərtlər, hökmlər altında dağılmaz bir qalaya bənzəyən qosqoca Azərbaycan ailə institutunu formalaşdırıb daima onu özgə təlimlərdən, yad müdaxilələrdən qorumağa çalışan, ağır sınaqlardan çıxmış cəmiyyətin indi nə hala düşdüyü, necə sarsıldığı artıq göz önündədi.

Əgər çökməyib dik durmağı bacarmasaq, bizi çökdürəcəklər. İndiki şəraitdə ən böyük məsuliyyət qadınların üzərinə düşür. Bizim ana qadınlarımızın.

Cəmiyyətdə qəribə ab-hava yaranıb. Bizə nümunə kimi təqdim etdikləri qadın nifrət, kin püskürür, öz ailə üzvlərini aşağılayan açıqlamalar verir, ağsaqqalları, ağbirçəkləri təhqir edir və həmin qadına söz verirlər: "Sənə kömək edəcəyik". Bu kiməsə yardım etmək deyil, əksinə, ailənin dağılması üçün verilən vəddir. Bu dəhşətli deqradasiya və yaxud dağıdıcı proseslər elə geniş vüsət alıb, elə sürətlə gedir ki...

Belə mövzularla gündəm qazanıb qadınları qiyama sövq edənlər kimlərdi? Kimin əli kimin cibindən çıxır? Axı bütün bunlar nəyə xidmət edir, nə oyundu, ardınca daha nələr, nələr, bəlkə də bundan da daha dəhşətli hadisələr baş verəcək, kimsə bilmir. Ancaq hamıya aydın olan tək nəsnə var - qadının, ananın adına sağalmaz zərbələr vururlar.

Müəmmalar hələ də davam edir. Belə bir həssas mövzuda elə qarışıqlıq yaradıblar ki, baş verənləri xırda detallarına qədər çözüb anlamaq olmur. Amma həm də çox açıq və sərhədsiz danışırlar. Yəni prinsipcə onların ümumi məqsədləri aydındı. Bizi bizdən alıb məhv eləmək istəyən "müasir" qüvvələr çox ciddi cəhdlə Azərbaycan qadınını ailədən, analıqdan uzaqlaşdırıb əndazəsiz, əxlaq və ənənələrdən məhrum etməklə saxtakar bir məxluq, guya dünyəvi, normal əxlaqlı, qərb təfəkkürünə malik olan, reallıqda isə özünü yadlaşdıran simasız, milli-mənəvi dəyərləri tapdanmış "azad qadın" obrazını yaratmaq istəyirlər. Baş verənlərə nəzər salanda, bu prosesləri izləyəndə adama elə gəlir ki, ana və qadın məfhumu sanki fərqli anlayışlardı.

Bütün anaları qadınlar dünyaya gətirsə də hər qadının öz taleyi, öz qisməti, öz iradəsi, öz missiyası var. Bəzən onları müxtəlif ad və müraciətlərlə çağırsaq da. Öncə "Ana" deyirik, "Qadın" deyirik, tanıdıqlarımıza və tanımadıqlarımıza tez- tez ağızdolusu, zərif cinsə yaraşan incə ifadəni işlədib "Xanım" müraciətindən istifadə edirik, həmçinin də leksikonumuza daxil olan və lap qədimdən qalma, bəlkə də köntöy, yoxsa kobudmu deyim, daha bir keçmiş, köhnə deyimimiz var: "Arvad".

Onlar həmişə yanımızdadı. Analar, qadınlar, xanımlar, həm də arvadlar, həmçinin bizim "az" çağırdığımızlar...

Ana ömrü yaşayan qadınlardan söz açmaq şərəfinə layiq olmaq istəyirəm. Mən onları sevirəm, onları yaxşı tanıyıram. Azərbaycan adlı ölkəmizdə də, dünyanın bir parçasına çevrilib məkanında var olduğumuz, içində yaşadığımız yer kürəsində də yüz minlərlə, milyonlarla insan var ki, həmin kəslər, yəni zərif cinsin nümayəndələri sadəcə özlərini ailəsinə, övladlarına həsr edən böyük adla, ANA ömrü sürən qadınlar kimi yaşayır. Heç bir peşmançılıq keçirmədən, sadə, iddiasız filansız. Qazandıqları gözəl, həm də adicə xoşbəxtlik hesabına. Onlar müti deyil, belə qadınların da bəmbəyaz xəyalları, arzuları və istəkləri var, həm də daha gözəl və daha çox, amma bu arzuların içində ən şükranlı, müqəddəs arzu tək gözəl ANA olmaqdı. Bir qadın kimi öz ailəsinə, ərinə, ətrafındakılara nəvaziş göstərib daim sədaqətini, sevgisini əsirgəməyən, xanım olaraq qadın və ömür-gün yoldaşı, ana kimi həmişə ləyaqətini və "Mən"-ini zirvədə tutan, iştirakı ilə qurduğu dayanıqlı ailə institutunu hər vaxt, hər gün qoruyub möhkəmləndirmək üçün mücadilə aparan zərif cinsin nümayəndələri də var ki, onlar yaşadığı ömrün ağır sınaqlarından, yaxşı, pis günlərindən keçə-keçə qeyrətli dözümlülük göstərir. Və nəticədə həyat təcrübəsi qazanır, ağır günlərin, uzun illərin sınaqlarından keçə-keçə formalaşır, sonda mükəmməl qadın şəxsiyyətə çevrilir.

Neçə-neçə qadınlar da var ki...

İslahedilməzi, ədəbli və mərifətlisi, şıltağı, üsyankarı, xəyanətkarı, fitnəkarı, əxlaqsızı, mömini, kafiri var. Öz xarakterləri ilə kişiləri heyrətə gətirən, yeniliyə, dəyişkənliyə daha çox meyl edən qadınlar. İstər uzaqda olsun, istər yanımızda olsunlar, fərq etməz. Qadın - Xeyir və Şər enerjinin daşıyıcısıdı, o enerji istehsal edir, ixrac edir, yəni ya dirçəldir, ya da çökdürür.

Bütün qadın obrazları yenidi, hər qadın tək özüdü, həm də orijinaldı və heç bir qadının nə fikirləşdiyini bilmək, onu sirli kitab təki oxuyub sonra agah olmaq, başdan-ayağa kəşf etmək mümkün deyil. Və heç bir qadın öz düşüncəsinə, təfəkkürünə, əxlaqına və yaşam tərzinə görə bir-birinə bənzəməz. Sözsüz ki, Həvvadan üzü bəri gəlib-gedən, adı çəkilən, çəkilməyən qadınların hamısı bənzərsizdi. Bəşər övladı, qeyri-adi qadın.

Belə qadınlar həmişə olub, elə indi də var. Yaşadığımız dünyanı istədiyi zaman dəyişə bilən, tale adlanan müştərək həyatımızın içində ola-ola istənilən zaman dünyamızı rəngbərəng cənnətə, yaxud da atəşi adamı yandıran cəhənnəmə çevirməyə qadir olan qadınlarımız da az deyil.

Müəllifin bütün yazıları - Oqtay QORÇU

Bütün yazarlar

Ana səhifəyə dön

Bölməyə aid digər xəbərlər

5-05-2025, 21:00 Oqtay QORÇU - Həsrət dağarcığı atama - Oqtay Qorçu yazır

20-03-2024, 06:14 Oqtay QORÇU - İçərişəhər - Oqtay Qorçu yazır

11-03-2024, 14:05 Oqtay QORÇU - Analar və qadınlar - Oqtay Qorçu yazır

23-09-2019, 17:58 Nadir QOCABƏYLİ - Qazçəkənlər və “Formula-1” - Nadir Qocabəyli yazır