18:09 / 11-04-2024
Bakıda qətl törədilib
Azərbaycan və Ermənistan XİN rəhbərləri Berlində yenə görüşüb - (Yenilənib) - Fotolar
Tarix: 29-02-2024 17:22 | Bölmə: Gündəm
Azərbaycan və Ermənistan XİN rəhbərləri Berlində yenə görüşüb - (Yenilənib)

Azərbaycan və Ermənistan xarici işlər nazirlərinin Berlində görüşü başlayıb.

Reyting.az 
xəbər verir ki, bu barədə Ermənistan mətbuat məlumat yayıb.

Məlumata görə, Ceyhun Bayramovla Mirzoyan sülh danışıqlarını davam etdirəcəklər.

***

Xarici işlər naziri Ceyhun Bayramov Azərbaycan və Ermənistan XİN başçıları arasında sülh sazişi layihəsi üzrə danışıqların növbəti raunduna ev sahibliyi etdiyi üçün Almaniya tərəfinə və nazir Annalena Berboka təşəkkür edib.

Reyting.az
xəbər verir ki, bu barədə nazir sosial media hesabında paylaşım edib.

Nazir daha sonra yazıb: "Bu, Azərbaycanın sülhə sadiqliyini bir daha bəyan etməsi üçün yaxşı fürsət idi".

Xatırladaq ki, C.Bayramovla erməni nazir arasında görüşdən sonra onlar Almaniya XİN başçısı ilə birgə görüşə dəvət olunublar.

***

Bu gün - fevralın 29-da Azərbaycan və Ermənistan XİN başçıları arasında Berlində danışıqların ikinci günü başlayıb.

Reyting.az 
xəbər verir ki, bu barədə Azərbaycan XİN sosial media hesabında məlumat paylaşıb.

***

Azərbaycan xarici işlər naziri Ceyhun Bayramov və Ermənistan xarici işlər naziri Ararat Mirzoyan Berlin görüşü çərçivəsində iki ölkə arasında bəzi əsas məsələlər üzrə əlavə işin davam etdirilməsinə ehtiyac olduğunu qeyd ediblər.

Reyting.az
xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, nazirlər və onların heyətləri arasında “Sülhün və dövlətlərarası münasibətlərin təsis edilməsi haqqında ikitərəfli Saziş” layihəsinin müddəaları üzrə mövqelər müzakirə edilib.

Səfər çərçivəsində nazirlər Almaniyanın xarici işlər naziri Annalena Berbok ilə görüşüblər.

Nazir Ceyhun Bayramov Azərbaycan və Ermənistan arasında danışıqlara ev sahibliyi etdiyinə görə Almaniya tərəfinə minnətdarlıq ifadə edib.

Qeyd edək ki, 28-29 fevral tarixində Azərbaycan və Ermənistan XİN başçıları arasında Almaniyanın paytaxtı Berlin şəhərində Villa Borsig-də danışıqlar aparılıb.






Bölməyə aid digər xəbərlər
{sape_links}{sape_article}