Hörmüz boğazında təhlükəsizliklə bağlı fikir ayrılıqları səbəbindən Avropa Birliyi (AB) ilə ABŞ arasındakı münasibətlər yenidən dərin böhranın astanasına çatıb.

Reyting.az xəbər verir ki, bu barədə “Politico” nəşri avropalı diplomatlara istinadla yazıb.

Diplomatların sözlərinə görə, bazar ertəsi Brüsseldə görüşən xarici işlər nazirləri ABŞ-ın gəmilərin təhlükəsizliyinin təmin edilməsində iştirak etmək tələbinə demək olar ki, yekdilliklə qarşı çıxıblar. Onlar qeyd ediblər ki, ABŞ administrasiyası buna hazır olmadığı təqdirdə, AB ölkələri gəmilərini və qoşunlarını təhlükəyə atmağa hazır deyillər.

Xatırladaq ki, daha əvvəl ABŞ prezidenti Donald Tramp Hörmüz boğazından neft idxal edən ölkələrin oraya hərbi gəmilər göndərməklə gəmilərin təhlükəsizliyinin təmin edilməsində iştirak etməli olduqlarını bildirmişdi.

ELÇİN