Milli Təhlükəsizlik Nazirliyi ətrafında baş verən olaylardan sonra dövlət başçısının sərəncamı ilə işdən çıxarılan keçmiş Rabitə və informasiya texnologiyalar naziri Əli Abbasov nəhayət ki, susmamaq qərarına gəlib.

Reyting.az saytı xəbər verir ki, unikal.org-a qısa müsahibə verən keçmiş nazir bir sıra məsələlərə aydınlıq gətirib.

Hazırda şəhərdəki evində istirahət etdiyini bildirən Ə.Abbasov məlum olaylarla əlaqədar istintaqa çağrılıb, ifadə verib-verməməsi ilə bağlı suala cavabında deyib:

- Heç yerə getməmişəm. Evdə oturmuşam. İstintaqa da çağırılmamışam.

- Belə çıxır ki, cinayət törədənlər tutulan şəxslər olub…

- Verdiyiniz qiymətə və ədalətli mövqeyinizə görə çox sağ olun!

- Rabitə nazirliyinin keçmiş aparat rəhbəri Vidadi Zeynalov deyib ki, oranın naziri mən deyiləm ki, bütün məsuliyyət mənim üzərimdə olsun. Bu barədə nə deyə bilərsiniz?

- Mən, çox təəssüf edirəm ki, Vidadi Zeynalov belə bir fikir səsləndirib. Ondan belə bir şey gözləmirdim. Bu, əslində şantajdır.