Partizanlar dəmir yolunu partladıb, Rusiyanın silah-sursat daşıyan qatarı yanır
Tarix: 13-10-2023 16:23 | Bölmə: Dünya
Partizanlar dəmir yolunu partladıb, Rusiyanın silah-sursat daşıyan qatarı yanır

Bu gün səhər saatlarında Melitopol partizanları işğal olunmuş şəhərdə Rusiyaya məxsus qatarı partladıblar.

Reyting.az
xəbər verir ki, bu barədə Ukrayna Milli Müqavimət Mərkəzi məlumat yayıb.

Məlumata görə, söhbət gündəlik olaraq Krımdan Melitopol və Dneprorudnıya və əks istiqamətə döyüş sursatı və yanacaq daşıyan qatardan gedir. Bildirilir ki, qatarda zədələnmiş avadanlıqlar, talan edilmiş dəmir filizi, taxıl və digər əmlaklar var.

Partlayış saat 7:40-da baş verib, dəmir yolunun 150 metr hissəsi və teplovoz zədələnib.

Qeyd olunur ki, ruslar hadisə yerini mühasirəyə alıb, təxribat faktını gizlətmək və partizanları tapmaq istəyirlər. “Partizanlar artıq təhlükəsizdirlər və yaxın gələcəkdə daha çox partlayışlar törədəcəklərini vəd edirlər. Nəzərinizə çatdıraq ki, bu, Zaporojye vilayətinin partizanları tərəfindən 2023-cü ildə dəmir yolunda törədilən onuncu uğurlu təxribatdır”, - deyə Milli Müqavimət Mərkəzi əlavə edib.



Bu arada, Xüsusi Əməliyyat Qüvvələri müqavimət hərəkatının bölməsinin Zaporojye istiqamətində işğalçıları sursat və yanacaq təchizatından kəsdiyini təsdiqləyib. Rusiyanın itkiləri ilə bağlı əlavə məlumatlar müəyyənləşdirilir.

Ukrayna tərəfi bildirir: “Əsgərlərimizin təxribat hərəkətləri nəticəsində səhər saat 07:30-da dəmir yolu partladılıb. Partlayış nəticəsində dəmir yolu xətti və Rusiya ordusu üçün sursat və yanacaq daşıyan qatara ziyan dəyib”.

Ukrayna mediası yazır ki, bu yaxınlarda işğal olunmuş Qorlovka və Yasinovataya şəhərləri arasında magistral yolda körpü dağıdılıb. Şərq qoşun qrupunun mətbuat xidməti rusların bu yolda lazım olanı tez bir zamanda daşıya bildiyini qeyd edib. Beləliklə, bu marşrutun pozulması rusların Baxmut yaxınlığındakı dəstələrini təmin etməyin çətinləşəcəyinə dair mesajdır.

V. QULİYEV




Bölməyə aid digər xəbərlər
27-02-2024, 10:15 Patruşev Kubaya gedib

{sape_links}{sape_article}