14:50 / 28-02-2024
Lavrov Türkiyəyə gedir
Şoyqu Putin üçün Priqojindən də təhlükəli şəxsə çevrilir
Tarix: 08-12-2023 19:13 | Bölmə: Dünya
Şoyqu Putin üçün Priqojindən də təhlükəli şəxsə çevrilir

Rusiyanın müdafiə naziri Sergey Şoyqu özünü prezident Vladimir Putinin əvəzinə “taxtda” görür. Bu şəxs Vladimir Putin üçün “Vaqner” özəl hərbi şirkətinin rəhbəri Yevgeni Priqojindən daha təhlükəli olur.

Reyting.az
xəbər verir ki, belə iddia ilə hərbi-siyasi şərhçi Aleksandr Kovalenko çıxış edib.

“Rusiya Müdafiə Nazirliyi rəhbərinin kifayət qədər ciddi siyasi ambissiyaları var”, - deyə A. Kovalenko “FreeDom” telekanalında bildirib. Kovalenko deyib ki, Şoyqu özünü Putinin əvəzinə Rusiya taxtında görür və bu ambissiyalar özünü Ukraynaya genişmiqyaslı işğaldan əvvəl göstərib.

Hərbi-siyasi şərhçi qeyd edib ki, Rusiya Müdafiə Nazirliyinin tərkibinə daxil olan müxtəlif güc strukturları seçkilər zamanı müxtəlif səviyyələrdə yaxın siyasi qüvvələr yaradıblar: “Şoyqu bu gün Putin üçün getdikcə daha təhlükəli olur. O, hətta Priqojindən daha təhlükəlidir”.

Xatırladaq ki, iyunun sonunda Rusiya Federasiyasında Yevgeni Priqojinin nəzarətində olan “Vaqner” qəfil üsyan qaldırıb. Avqustun 23-də isə Priqojinin olduğu təyyarə Rusiyanın Tver şəhəri yaxınlığında müəmmalı şəkildə qəzaya uğrayıb və Priqojin həlak olub.

Onu da qeyd edək ki, dekabrın 7-də Rusiya Federasiyasında növbəti prezident seçkilərinin gələn il mart ayının 17-də keçirilməsi ilə bağlı qərar verilib.

E. KAMAL




Bölməyə aid digər xəbərlər
Dünən, 10:15 Patruşev Kubaya gedib

{sape_links}{sape_article}