ABŞ-ın Mərkəzi Kəşfiyyat İdarəsinin (CİA) rəhbəri Səudiyyə Ərəbistanının terrorizm ölkəsinə yuvalanmasına mane olmaq üçün ənənəvi cəmiyyəti modernləşdirmək təklifi ilə çıxış edib.

Reyting.az xəbər verir ki, Con Brennan kral hökumətinə xitabla həyatın müxtəlif sahələrində, o cümlədən siyasi-ictimai, mədəni və regional ənənələrin 21-ci əsrə uyğunlaşdırılmasının lazım olduğunu dilə gətirib.

C.Brennan Səudiyyə Ərəbistanını terrorla mübarizədə ABŞ-ın ən yaxın tərəfdaşlarından biri adlandırıb. "Buna görə də bu krallıq İŞİD-in hücumlarının hədəfi olub”, – deyən CİA rəhbəri Səudiyyə Ərəbistanında terrorçuları dəstəkləyən qrupların varlığını da vurğulayıb.

SİA rəhbəri baş nazirin müavini və daxili işlər naziri vəzifələrini yerinə yetirən vəliəhd şahzadə Məhəmməd bin Nayefin daxili təhlükəsizliyi təmin etmək, həm ölkə daxilində, həm də ölkə hüdudlarında İŞİD-in böyüməsini dayandırmaq üçün cəhdlər etdiyini bildirib.

C.Brennan Səudiyyə Ərəbistanı içində çox ciddi bir təhdidin varlığını vurğulayıb. Onun fikrincə, bu təhdidin qarşısını almaq üçün ölkənin modernləşdirmə labüddür.

M.RZABƏYLİ