"Regional problemlər siyasi yolla həll olunmalıdır, bu münaqişələrin hərbi həlli yoxdur”.

Reyting.az İRNA-ya istinadən xəbər verir ki, bu sözləri İran prezidenti Həsən Ruhani Azərbaycan prezidenti İlham Əliyevlə birgə keçirdiyi mətbuat konfransında deyib.

Ruhaninin sözlərinə görə, Azərbaycan prezidenti ilə Suriya məsələsini müzakirə ediblər:"Suriya və digər regional məsələlər barədə hər iki tərəfin mövqeyi üst-üstə düşür. Biz hesab edrik ki, regional problemlərin hərbi yolla həlli mümkün deyil, münaqişlər yalnız sülh yolu ilə tənzimlənməlidir”.

Ruhani həmçinin bildirib ki, prezident İlham Əliyevlə dini icmalarla bağlı məsələni də müzakirə edib. Hər iki prezident islam dininin sülh, dostluq və əməkdaşlıq dini olduğunu bildirib.

Ruhani İran və Azərbaycanın regionadakı qonşu ölkələrlə üçtərəfli əməkdaşlıq formatını dəstəkləyib. Bu " İran, Azərbaycan, Türkmənistan”, "İran, Azərbaycan, Rusiya” və "İran, Azərbaycan, Türkiyə, Gürcüstan” formatıdır.