13:59 / 21-10-2025
Ukrayna parçalana bilər
Ən maraqlı yeddi körpü - Fotolar
Tarix: 21-10-2025 16:26 | Bölmə: Fotoqalereya
Ən maraqlı yeddi körpü

İncəsənətlə mühəndisliyin kəsişdiyi ortaq bir nöqtədə insan zəkasının möhtəşəm nümunələri yaranır. Müasir körpülər artıq sadəcə nəqliyyat vasitəsi üçün yox, həm də yaradıcılığın və texniki mükəmməlliyin rəmzidir.

Reyting.az
xəbər verir ki, Fransada inşa edilmiş, "Miyo viyaduku" adı ilə tanınan, hündürlüyü 343 metr olan, məşhur Eyfel qülləsini geridə qoyan bu nəhəng körpü aerodinamik formada tikilib və 250 km/saat küləyə tab gətirir. Körpünün tikintisinə üç il sərf olunub və inşaata 394 milyon avro xərclənib.

Sinqapurda tikilmiş "Henderson Dalğası" körpüsü isə 274 metrdir. Bu körpü riyazi alqoritmlərin əsasında layihələndirilib və gecələr "LED" işıqları ilə parlayan taxtalı möhtəşəm "dalğa" Sinqapurun rəqəmsal memarlığını simvoluna çevrilib.

"Rolling Bridge" (London) adlanan körpü isə 12 metr uzunluğundadır. Bu körpü qatlanaraq səkkizbucaqlı formaya düşür. Hər cümə günü yerlilər, xarici ziyarətçilər onun "canlanmasını" izləyirlər.

Böyük Britaniyada digər qeyri-adi ikinci körpü isə Nyukaslda yerləşir. O, "Göz vuran körpü" adlanır. Bu əzəmətli körpü bütün konstruksiyası birgə dönən ilk körpü sayılır. Dörd dəqiqəyə 40 dərəcə bucaq altında açılmaqla, hər il təxminən 500 dəfədən çox işləyir.

“Eresun” adlı körpü (Danimarka–İsveç) həm avtomobil, həm də dəmir yolu üçün nəzərdə tutulub. Bu nəhəng tikili iki ölkəni birləşdirməklə yanaşı, internet magistralı funksiyasını da daşıyır.

Əjdaha körpüsü kimi tanınan "Da Nang" isə Vyetnamdadır. Bu körpü 15 min işıqla bəzədilib və hər həftəsonu od, həmçinin su püskürür. Bu körpü şəhərin əsas nəqliyyat və turizm simvoluna çevrilib.

Sinqapurdakı "Helix" adlı körpü DNT-nin ikiqat spiralını xatırladan orijinal dizaynla gələcəyin memarlığını təcəssüm etdirir. Poladdan, həm də 5 dəfə qənaətlə tikilib, həmçinin 5 baxış meydançası ilə şəhərin ümumi görüntüsünü təqdim edir.

Bu məşhur 7 körpü təkcə sahilləri deyil, həm də dövrləri təcəssüm etdirir, eyni zamanda insan ruhunun yaratmaq və ilham vermək gücünün özünəməxsus bir şəkildə nümayişinin simvoludur.








Oqtay QORÇU




Bölməyə aid digər xəbərlər
25-08-2025, 16:14 Vəhşi təbiət... - Fotolar
20-10-2022, 07:35 Ağalı kəndi... - Fotolar
7-11-2021, 18:19 Zəfər yolu... - Fotolar
21-10-2021, 08:23 Azad Zəngilan - Fotolar
5-10-2021, 13:48 Qələbə sevinci - Fotolar
23-12-2020, 19:21 Bizim Qubadlı - Fotolar