Vandalların viran qoyduğu şəhər - Füzuli
Tarix: 19-11-2020 18:38 | Bölmə: Fotoqalereya
Vandalların viran qoyduğu şəhər - Füzuli

Türkiyə mediası Azərbaycanın Füzuli şəhərindən reportaj hazırlayıb.

Reyting.az
xəbər verir ki, Anadolu Agentliyinin əməkdaşları 17 oktyabrda işğaldan azad edilən şəhərin fotolarını yayaraq bölgə barədə məqalə dərc ediblər.

Qeyd olunub ki, şəhərdə salamat bina yoxdur. Bir zamanlar 100 min azərbaycanlının yaşadığı şəhər dağılmış yollardan və sadəcə daşları qalan binalardan ibarətdir.

Ermənilər işğaldan sonra evlərin əşyalarını sökərək mənimsəyiblər, yaşamaq üçün olan şərait tamamilə məhv edilib.

Vurğulanıb ki, Azərbaycan hökuməti işğaldan azad edilən bütün bölgələrdə Ermənistanın vurduğu zərəri hesablayır və yenidənqurma çərçivəsində tədbirlər görülür. Həmçinin ərazi mina və partlamamış mərmilərdən təmizlənir.

“Anadolu” qeyd edib ki, Füzuliyə gedən yollar Azərbaycan Ordusunun zərərsizləşdirdiyi düşmənə aid tank, zirehli avtomobillərlə doludur: “Demək olar ki, hər addımbaşı vurulan tankla, ermənilərin qoyub qaçdığı sursatlarla rastlaşmaq mümkündür”.

Bildirilir ki, əraziyə bir neçə Füzuli sakinini də gətiriblər. Onlar 27 illik həsrətdən sonra şəhərlərini ziyarət edib və evlərinin vəziyyətini görən zaman kədərləniblər.

Torpağı ilə qovuşan Şadiyə Qəhrəmanova evindən geriyə sadəcə daşlar qaldığını, buna rəğmən xoşbəxt olduğunu deyib.



Vaqif Vəliyev isə ata yurduna qayıdacaqları üçün sevincli olduğunu ifadə edib.

“Evimi tanıya bilmədim. İkimərtəbəli idi, indi bu hala düşüb. Çox pis oldum, qəlbim yandı. Burada dağılmayan ev qalmayıb. Biz illərdir şəhərimizin azad olunacağı günü gözləyirdik. İnşallah, qısa zamanda Füzuliyə köçəcəyik”, - deyə vaxtilə şəhər sakini olmuş Arzu Şəfiyə bildirib.(Qafqazinfo)











Bölməyə aid digər xəbərlər
bütün xəbərlər
bütün xəbərlər
{sape_links}{sape_article}