Erməni vandalizminin qurbanları... - Fotolar
Tarix: 19-11-2020 21:37 | Bölmə: Fotoqalereya
Erməni vandalizminin qurbanları...

Ermənistan silahlı birləşmələrinin Azərbaycanın 20 faiz ərazisini işğal etməsi nəticəsində yüzlərlə dini, maddi-mədəni abidələr dağıdılıb, tarixi torpaqlarımızdakı təbii sərvətlər talan edilib.

Reyting.az
“Yeni Sabah”a istinadla vaxtilə işğal altında saxlanılan ərazilərimizdəki mədəni abidələrimizə qarşı törədilən erməni vandalizmini fotofaktlarla təqdim edir. Fotolar həmin abidələrin əvvəlki və indiki vəziyyətini əks etdirir.



Vaqifin məqbərəsi: Bir zamanlar Şuşanın gözəlliyinə xüsusi çalar qatan bu yer də işğal müddətində vəhşicəsinə dağıdılıb. Məqbərənin açılışı 1982-ci ildə olub. Açılışda o zaman Azərbaycan Kommunist Partiyası Mərkəzi Komitəsinin birinci katibi Heydər Əliyev də iştirak edib.



Güllələnmiş heykəllər: Abidələr ermənilər tərəfindən güllə ilə deşik-deşik edilib, dəmir tullantısı kimi Gürcüstana satılıb. Azərbaycan tərəfi bu abidələri Gürcüstandan bir neçə il bundan əvvəl Bakıya gətizdirib.



Natəvanın ev muzeyi: Dağıdılan abidələrdən biri də XIX əsr Azərbaycanın görkəmli şairi, sonuncu Qarabağ xanı Mehdiqulu xan Cavanşirin qızı, İbrahimxəlil xanın nəvəsi Xurşidbanu Natəvanın ev muzeyidir. Atasının sarayında “Dürrü yekta” (Tək inci), xalq arasında Xan qızı kimi çağırılan Natəvanın evi XVIII əsrə aid tarix-memarlıq abidəsi olub. Muzey yaranan gündən zəngin ədəbi materiallar, eksponatlar, yazıçı və şairlərlə əlaqədar şəxsi əşyalar, qədim kitab və əlyazmalar toplanıb.



Ağdam çay evi: XX əsrin 80-ci illərinin ortalarından başlayaraq, SSRİ-də yeni siyasi, iqtisadi və ictimai mühit formalaşmağa başlayıb. Sərxoşluğu və alkoqolizmi aradan qaldırmaq haqqında keçmiş Sov.İKP MK-nın məlum qərarı Ağdamda yeni çay evinin yaranmasına təkan verib. Beləliklə, o dövrdə tikilən çay evi Ağdam şəhərinin simvoluna çevrilib. Əfsuslar olsun ki, bu tikilini də erməni işğalçıları dağıdıb.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}