İlham Əliyev Ruanda prezidenti ilə görüşüb

Xəbər lenti

13:32 / 22-09-2025

Çin səfiri: "Cənubi Qafqaz və Mərkəzi Asiya ilə əməkdaşlığa xüsusi əhəmiyyət veririk"

13:23 / 22-09-2025

Qarabağa növbəti köç karvanı gedib - (Yenilənib)

13:12 / 22-09-2025

Bankların əmlakları satışa çıxarılıb

12:42 / 22-09-2025

Sabah yağış yağacaq - Proqnoz

12:41 / 22-09-2025

"Kəpəz" baş məşqçini istefaya yollayıb

12:33 / 22-09-2025

Baş Qərargah rəisi Belarusa gedib

12:31 / 22-09-2025

Bakıda təqaüdçü və tələbələrə güzəştli gediş haqqı tətbiq olunacaq

12:24 / 22-09-2025

Ukrayna dronları Rusiyanın mühüm obyektlərinə zərbələr endirib

12:07 / 22-09-2025

Azərbaycanda xüsusi karantin rejiminin müddəti uzadılıb

12:03 / 22-09-2025

Ticarət müharibəsi Avropa sənayesini risk altında qoyub

11:58 / 22-09-2025

Mayora hücum edən idmançılar hakim qarşısına çıxarılıblar

11:50 / 22-09-2025

Ermənistan müdafiə naziri: "ABŞ, Fransa və Yunanıstandan məsləhətlər alırıq"

11:24 / 22-09-2025

Azərbaycanla BƏƏ arasında daha bir sahə üzrə əməkdaşlıq sazişi imzalanıb

11:22 / 22-09-2025

Kim Çen In Donald Trampla danışıqlara hazırdır

11:20 / 22-09-2025

Nazir: "AIIF-2025 çərçivəsində imzalanacaq razılaşmalar böyük fayda gətirəcək"

11:02 / 22-09-2025

Rus ordusu Kupyanska keçməyə çalışır

10:52 / 22-09-2025

Trampın qərarı Rusiya aviaşirkətlərini sanksiyalardan yayındırır

10:43 / 22-09-2025

Ukrayna rusların iki təyyarəsini məhv edib - Foto

10:42 / 22-09-2025

İlham Əliyev prokurorların beynəlxalq konfransına müraciət edib

10:38 / 22-09-2025

Samir Şərifov: "Azərbaycan investisiya üçün sabit və etibarlı məkandır"

10:26 / 22-09-2025

Estoniya NATO-dan kömək istəyir

10:11 / 22-09-2025

Ukraynaya məxsus 114 PUA vurulub

10:10 / 22-09-2025

İlham Əliyev forum iştirakçılarına müraciət ünvanlayıb - Yenilənib

10:09 / 22-09-2025

Bakının əsas mərkəzi yolları açılıb

09:52 / 22-09-2025

Tovuzda 64 yaşlı kişi öldürülüb

09:18 / 22-09-2025

Bir ailənin dörd üzvü narkotikə görə saxlanılıb

09:07 / 22-09-2025

Azərbaycanın genişlənmiş strateji maraqları

09:01 / 22-09-2025

Tramp: “Biz kədər içində olan bir xalqıq”

08:53 / 22-09-2025

Yasamaldakı çoxmərtəbəli binada yanğın olub

08:07 / 22-09-2025

Musiqi müsabiqəsinin finalını 4 milyard insan izləyib

Xəbər lentinin davamı

Ən çox oxunanlar

22:16 / 17-09-2025

Müəllimlərin sertifikatlaşdırılması prosesi başlayır

18:00 / 20-09-2025

İlham Əliyev Ruanda prezidenti ilə görüşüb - (Yenilənib) - Fotolar

18:00 / 17-09-2025

1, 3 və 5 qəpikliklər dövriyyədən çıxarılacaq? - Açıqlama

23:29 / 17-09-2025

“Qarabağ” UEFA reytinqində irəliləyib

17:54 / 17-09-2025

Prezident Dövlət Proqramını təsdiqləyib

11:35 / 18-09-2025

Daha bir asteroid sürətlə Yerə doğru irəliləyir

23:44 / 18-09-2025

ABŞ BMT Təhlükəsizlik Şurasında Qəzza ilə bağlı qətnaməyə veto qoyub

20:01 / 19-09-2025

Rusiya qırıcıları Estoniyanın hava məkanını pozub

21:46 / 18-09-2025

Ceyhun Bayramov Aİ komissarı ilə müzakirə aparıb

13:20 / 18-09-2025

Su problemi milyardlarla insanı risk altında qoyur

13:58 / 19-09-2025

İnsanların ən uzun və ən qısa ömür sürdüyü ölkələr... - Avropanın hansı ölkəsi öndədir?

16:25 / 19-09-2025

Bölgələrdə sel gözlənilir - Xəbərdarlıq

İlham Əliyev Ruanda prezidenti ilə görüşüb - (Yenilənib) - Fotolar
Tarix: 20-09-2025 18:00 | Bölmə: Gündəm

Şirift ölçüsü:

Azərbaycana rəsmi səfərə gələn Ruanda prezidenti Pol Kaqamenin sentyabrın 20-də Bakıda rəsmi qarşılanma mərasimi olub.

Reyting.az xəbər verir ki, hər iki ölkənin Dövlət bayraqlarının dalğalandığı və Ruanda prezidentinin şərəfinə fəxri qarovul dəstəsinin düzüldüyü meydanda Pol Kaqameni Azərbaycan prezidenti İlham Əliyev qarşılayıb.

Fəxri qarovul dəstəsinin rəisi Ruanda Prezidentinə raport verib.

Ruanda və Azərbaycanın Dövlət himnləri səsləndirilib.

Fəxri qarovul dəstəsi hərbi marşın sədaları altında Azərbaycan prezidenti İlham Əliyevin və Ruanda prezidenti Pol Kaqamenin qarşısından keçib.

Dövlət başçıları rəsmi foto çəkdiriblər.

***

Prezident İlham Əliyevin sentyabrın 20-də Ruanda prezidenti Pol Kaqame ilə təkbətək görüşü olub.

Reyting.az xəbər verir ki, bu barədə Prezidentin Mətbuat Xidməti məlumat yayıb.

***

Azərbaycan ilə Ruanda arasında imzalanmış sənədlərin sentyabrın 20-də Azərbaycan prezidenti İlham Əliyevin və Ruanda prezidenti Pol Kaqamenin iştirakı ilə mübadiləsi mərasimi olub.

Reyting.az xəbər verir ki, sonra Azərbaycan və Ruanda prezidentləri mətbuata bəyanatlarla çıxış ediblər.

***

Azərbaycan ilə Ruanda arasında imzalanmış sənədlərin sentyabrın 20-də Azərbaycan Prezidenti İlham Əliyevin və Ruanda Prezidenti Pol Kaqamenin iştirakı ilə mübadiləsi mərasimi olub.

Reyting.az xəbər verir ki, "Azərbaycan Respublikası Hökuməti ilə Ruanda Respublikası Hökuməti arasında hava əlaqəsi haqqında Saziş"i, "Azərbaycan Respublikasının Elm və Təhsil Nazirliyi ilə Ruanda Respublikasının Təhsil Nazirliyi arasında təhsil sahəsində əməkdaşlıq haqqında Saziş"i, "Azərbaycan Respublikasının Kənd Təsərrüfatı Nazirliyi ilə Ruanda Respublikasının Kənd Təsərrüfatı və Heyvan Ehtiyatları Nazirliyi arasında Anlaşma Memorandumu"nu Azərbaycanın xarici işlər naziri Ceyhun Bayramov və Ruandanın Xarici İşlər Nazirliyinin Regional Əməkdaşlığa məsul Dövlət naziri James Kabarebe mübadilə ediblər.

"Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Ruanda İnkişaf Şurası arasında qabaqcıl dövlət xidmətlərinin göstərilməsi mexanizminin yaradılması barədə əməkdaşlığa dair Anlaşma Memorandumu"nun həyata keçirilməsi üzrə Əməkdaşlıq Proqramı"nı, "Azərbaycan Respublikasının İxracın və İnvestisiyaların Təşviqi Agentliyi ilə Ruanda Respublikasının İnkişaf Şurası arasında Anlaşma Memorandumu"nu Azərbaycanın Ruandada akkreditə olunmuş səfiri Ruslan Nəsibov və Ruanda İnkişaf Şurasının Baş icraçı direktorunun müavini xanım Juliana Kangeli Muganza mübadilə ediblər.

Sonra Azərbaycan və Ruanda prezidentləri mətbuata bəyanatlarla çıxış ediblər.

Prezident İlham Əliyevin bəyanatı

-Hörmətli cənab Prezident.

Hörmətli qonaqlar, xanımlar və cənablar.

Əvvəlcə cənab Prezidentə Azərbaycana səfər etdiyinə görə təşəkkürümü bildirmək istəyirəm. Sonuncu dəfə biz ötən ilin noyabrında Bakıda COP29-da görüşdük və həmin vaxt mən cənab Prezidenti Azərbaycana rəsmi səfərə dəvət etdim. Çox minnətdaram ki, o, mənim dəvətimi qəbul etdi və bu gün ölkəmizdə rəsmi səfərdədir.

Əminəm ki, bu səfər ikitərəfli münasibətlərə əlavə təkan verəcək. Biz əməkdaşlığımızın müxtəlif aspektlərini artıq müzakirə etdik, tərəfdaşlığımızı dərinləşdirməkdə və genişləndirməkdə birgə iradəmizi ifadə etdik. Azərbaycan ilə Ruanda yaxşı tərəfdaş və dostlardır. Biz müxtəlif beynəlxalq təsisatlarda birgə iştirak edirik və hər zaman bir-birimizi dəstəkləyirik. Qoşulmama Hərəkatında sədrliyimiz dövründə Ruanda hər zaman bizə dəstək vermişdir. Siz bizə sədr seçilmək və sonra sədrliyimizin uzadılması üçün dəstək verdiniz. Ruanda, həmçinin Qoşulmama Hərəkatında həmrəyliyin gücləndirilməsinə yönəlmiş təşəbbüslərimizin əksər hissəsini dəstəkləmiş və ona qoşulmuşdur. Biz birmənalı olaraq BMT daxilində hər zaman fəal əməkdaşlıq edirik və bir-birimizə qarşılıqlı dəstəyi artırırıq.

Şadam ki, son illərdə münasibətlərimiz daha da nəticəyönümlü olub. Azərbaycandan Ruandaya müxtəlif nümayəndə heyətləri səfər edib. Heydər Əliyev Fondunun nümayəndə heyəti ötən il Ruandaya səfər edib və mən cənab Prezidentə Heydər Əliyev Fondunun vitse-prezidenti Leyla Əliyevanı qəbul etdiyinə görə təşəkkürümü bildirirəm. Ölkənizin genişmiqyaslı inkişafı, xalqınızın dövlətçiliyə, müstəqilliyə bağlılığı və müstəqil siyasəti ona böyük təəssürat bağışlayıb. Məmnunuq ki, Heydər Əliyev Fondunun ölkənizdə təhsil proqramlarını dəstəkləmək şansı oldu. Yeri gəlmişkən düşünürəm ki, bu sahə ikitərəfli münasibətlərimizdə prioritetlərimizdən biri olmalıdır. Mən cənab Prezidentin səfərindən əvvəl bəzi məlumatlara baxdım və gördüm ki, Azərbaycanda Ruandadan cəmi bir tələbə təhsil alır. Hesab edirəm ki, biz tələbələrin sayını artırmaq üçün birgə işləyə bilərik. Bu, Azərbaycanın dövlət təqaüdü çərçivəsində ola bilər. Əməkdaşlıq qurmaq məqsədilə Xarici İşlər Nazirliyinin nümayəndə heyəti, eləcə də "ASAN xidmət" kimi oxşar qurumun yaradılması məqsədilə dövlət xidmətləri agentliyi hesab olunan "ASAN xidmət"in nümayəndə heyəti bu il Ruandada olmuşlar. Mən bunu cənab Prezidentlə artıq müzakirə etdim.

O, Azərbaycanda həmin dövlət xidmətləri mərkəzlərindən birinə səfər edəcək və bu cür qurumun Ruandada qurulması üçün texniki və maliyyə yardımını göstərə biləcəyimiz təqdirdə çox məmnun olarıq. Bu gün biz enerji sektorunda imkanları müzakirə etdik. Hər iki ölkə bunun üzərində fəal çalışır və əməkdaşlığımızın gücləndirilməsi potensialı olan mədən işləri sahəsində də iş aparır. Bizə, sadəcə, müxtəlif səviyyələrdə daha çox təmasların qurulması, birgə biznes və investisiya imkanlarının müzakirəsi üçün biznes, eləcə də müxtəlif nazirliklərin nümayəndə heyətlərinin mübadiləsi lazımdır. Mən Ruandada sərmayə layihələrində iştirak etməyə hazır olduğumuzu vurğuladım və əminəm ki, cənab Prezidentin səfəri və müzakirələrimiz, eləcə də mətbuat konfransından sonrakı söhbətlərimiz iqtisadi və ticari sahədə tərəfdaşlıq üçün çox möhkəm zəmin yaradacaq. Bizim əla siyasi münasibətlərimiz var və bizə bütün digər sahələrdə də eyni münasibətlər səviyyəsi lazımdır.

Cənab Prezident, bizə səfər etdiyinizə görə bir daha minnətdaram və Sizə xoş səfər arzu edirəm.

***

Prezident Pol Kaqamenin bəyanatı

-Təşəkkür edirəm, Prezident Əliyev.

İlk növbədə, məni Azərbaycana səfərə dəvət etdiyiniz üçün və həyata keçirilmiş bütün bu işlərə görə Sizə təşəkkür etmək istəyirəm. Mən iki ölkənin əməkdaşlıq edəcəyi sahələri yüksək qiymətləndirirəm.

Cənab Prezident, Ruanda və Azərbaycan arasında bir çox oxşarlıqlar var. Hesab edirəm ki, biz bu oxşarlıqları daha da inkişaf etdirə, əməkdaşlığı və tərəqqini daha da artıra bilərik. Bunların həyata keçirilməsinə razılıq verdiyiniz üçün Sizə təşəkkür edirəm. Biz artıq baş vermiş bir çox səfərləri, səyləri, müzakirələri və anlaşmaları rəhbər tutacağıq. Bunu hökumət rəsmilərinizin artıq bir neçə dəfə baş tutmuş mübadilə səfərləri və Bakıya səfər etmiş nümayəndələrimizin sayəsində edəcəyik. Biz bu əməkdaşlıq vasitəsilə nəyə nail olmaq imkanları ilə bağlı bir çox məsələləri öyrənmişik. Biz davamlı səylər göstərərək bu əməkdaşlığın hamımız üçün məhsuldar olmasını təmin etmək məqsədilə daha da böyük sürətlə fəaliyyət göstərmək istəyirik. Ölkənizi bu əməkdaşlığa açıq etdiyiniz üçün Sizə bir daha təşəkkürümü bildirirəm. Bu əməkdaşlıq vasitəsilə Siz də qeyd etdiyiniz kimi, neft və mədən sektorunda müəyyən əsas sahələrin inkişafı üçün ölkəmizdən dəstək əldə edə bilərsiniz. Azərbaycanın ərsəyə gətirdiyi dövlət xidmətlərinin göstərilməsi mexanizmi olan "ASAN xidmət"in necə işlədiyinin şahidi olmağı səbirsizliklə gözləyirəm. Bizim sistem "ASAN xidmət" modelindən çox faydalana bilər. Mənə deyilənə görə, bu sistem, sadəcə, görünüşünə görə yox, hansı nailiyyətləri əldə etməsi və insanlara nəyi verməsi baxımından çox böyük təsir bağışlayır. Biz bu sistemin gücləndirilməsini təmin etmək istəyirik.

Sonuncu, lakin mühüm məsələ odur ki, bayaq da qeyd etdiyim kimi, cənab Prezident, mən Sizi ölkənizdə cərəyan edən bu inkişaf prosesləri münasibətilə təbrik etmək istəyirəm. Siz sülh prosesini sürətləndirəcək bir məsələ ilə məşğulsunuz. Mən Sizin ABŞ-da gəldiyiniz razılaşmanı - sülh razılaşmasını gördüm. Nəyə görə mən bu məsələni qabardıram, çünki biz də Ruanda və Konqo Demokratik Respublikası arasında özümüz üçün bir sülh sazişinə nail olmaq istəyirik. Lakin siz müəyyən hədəflərə çatmaq nöqteyi-nəzərindən bizdən irəlidəsiniz. Odur ki, mən Sizi bu münasibətlə təbrik etmək istəyirəm. Lakin, cənab Prezident, eyni zamanda, Sizə deyirəm ki, biləsiniz, Sizin Afrikada, Ruandada dostlarınız var. Ona görə də biz hər iki ölkənin rifah halının daha da sürətləndirilməsi üçün öz aramızda və ölkələrimiz arasında bu dostluq, əməkdaşlıq imkanlarından istifadə etmək istəyirik. Bir daha təşəkkür edirəm.