Əliyev MDB dövlətlərinin müdafiə nazirlərini qəbul edib

Xəbər lenti

13:09 / 31-05-2020

Azərbaycanda daha bir vəzifəli şəxsə cinayət işi açıldı

13:03 / 31-05-2020

Milli Məclis Azərbaycanın Türkiyə ilə hərbi maliyyə əməkdaşlığı sazişini ratifikasiya edib

12:40 / 31-05-2020

Azərbaycana səfər edən Türkiyə vətəndaşlarından 90 gün viza tələb olunmayacaq

12:09 / 31-05-2020

Spiker telefonla "oynayan" deputatlara irad tutdu

11:58 / 31-05-2020

Müəllimlərin iş yerinin dəyişdirilməsi müsabiqəsinə start verilir

11:52 / 31-05-2020

Əli Məsimli: "190 manatlıq yardım iyunda da verilsin"

11:46 / 31-05-2020

Şəkinin mərkəzində peyda olan ayı Vəhşi Təbiətin Reabilitasiyası Mərkəzinə aparılacaq - Video

11:20 / 31-05-2020

Bu cür “yazının” bir adı var: biabırçılıq

11:04 / 31-05-2020

Hadi xan Şəqaqi: Şatiranlının şir balası... - Foto

10:45 / 31-05-2020

Əli Məsimli seçiciləri ilə daha bir onlayn qəbul keçirdi - Video

00:00 / 31-05-2020

Koronavirusla bağlı son durum açıqlandı: "82 xəstə reanimasiyadadır"

23:18 / 30-05-2020

25 yaşlı futbolçu koronavirusdan öldü

21:17 / 30-05-2020

Şıntır-mıntır

20:30 / 30-05-2020

Elsevər. Seymur Elsevər - Etibar Cəbrayıloğlu yazır

20:10 / 30-05-2020

Putinin reytinqi 25 faizə qədər düşüb - Sorğu

20:04 / 30-05-2020

Təyyarənin pilotunda koronavirus aşkarlandı

19:59 / 30-05-2020

Ölkələr çəyirtkə hücumuna məruz qalır - Xəbərdarlıq

19:45 / 30-05-2020

İran Bəşər Əsədə xərclədiyi 30 milyardı geri tələb edir - Foto

19:29 / 30-05-2020

Müğənni Trampa qarşı: “Sizə səs verməyəcəyəm”

19:19 / 30-05-2020

Pompeo: "ABŞ özünü Çin Kommunist Partiyasının tiranlığından müdafiə edəcək"

19:12 / 30-05-2020

Corc Floydun qatili həbs edildi

19:08 / 30-05-2020

Keçmiş millət vəkilinin mafiya başçısı ilə əlaqələri üzə çıxır

19:03 / 30-05-2020

İranda 3 min saxta diplom aşkar edilib

18:57 / 30-05-2020

İran sərhədində atışma: 3 əsgər öldürülüb

18:21 / 30-05-2020

Doğma bacısını və polisi bıçaqlayan şəxs saxlanılıb

18:11 / 30-05-2020

Tural Gəncəliyev: "Erməni icmasını dialoq təklifimizə səs verməyə çağırırıq"

18:05 / 30-05-2020

Azərbaycanda indiyədək 3327 nəfər koronavirusdan sağalıb

17:55 / 30-05-2020

Azərbaycanda daha 257 nəfər koronavirusa yoluxub, 3 nəfər vəfat edib

17:47 / 30-05-2020

Britaniyada daha 183 nəfər koronavirusdan vəfat edib

17:35 / 30-05-2020

Trampın ÜST-lə bağlı qərarı: ABŞ-la Avropa İttifaqı üz-üzə gəldi

Ən çox oxunanlar

14:08 / 27-05-2020

Şagirdlərin qiymətləri necə yazılacaq? - Nazirlik şöbələrə tapşırıq verdi

20:29 / 26-05-2020

Müdriklik və sadəlik mücəssiməsi - Firuz Mustafa yazır

14:30 / 26-05-2020

Avropa məhkəməsi Ramil Səfərova görə Azərbaycanın əleyhinə qərar verdi

19:44 / 29-05-2020

Lukaşenko: “Koronavirus xəstəliyin yarısıdır, yarısı siyasətdir” - Foto

12:36 / 29-05-2020

Müəllimlərin iş yerini dəyişməsi üçün sənəd qəbulunun vaxtı açıqlandı

17:45 / 27-05-2020

Çin lideri orduya çağırış etdi: “Müharibəyə hazırlaşın!”

16:37 / 26-05-2020

Deputat ermənilərlə danışıqların dayandırılmasını istəyir - Foto

15:46 / 27-05-2020

Zakir Qaralovu həbs təhlükəsi gözləyir - Məhkəmədə vəsatət qaldırıldı

15:47 / 26-05-2020

Türkiyənin dəstəyi ilə qiyamçı generalın ordusu darmadağın edilir - Fotolar

20:30 / 30-05-2020

Elsevər. Seymur Elsevər - Etibar Cəbrayıloğlu yazır

16:56 / 29-05-2020

Karantin rejiminin müddəti uzadıldı: iri ticarət mərkəzləri açıldı, məmurlar işə çıxacaq

13:32 / 26-05-2020

Ermənilər Azərbaycan və Macarıstan hökumətlərini məhkəməyə verib - Səbəb

Əliyev MDB dövlətlərinin müdafiə nazirlərini qəbul edib
Tarix: 30-10-2019 17:40 | Bölmə: Gündəm

Şirift ölçüsü:

Azərbaycan Respublikasının Prezidenti İlham Əliyev oktyabrın 30-da MDB Müdafiə Nazirləri Şurasının iclasının iştirakçılarını qəbul edib.

Reyting.az xəbər verir ki, qonaqları salamlayan Prezident İlham Əliyev deyib:

- Əziz qonaqlar, sizi salamlayıram. Çox şadam ki, Birlik ölkələrinin Müdafiə Nazirləri Şurasının növbəti iclası Bakıda keçirilir. Bu tədbir özlüyündə çox böyük əhəmiyyət kəsb edir. Bu, ölkələrimizi daha sıx birləşdirir, ikitərəfli gündəliyə dair söhbət etmək üçün yaxşı imkan yaradır. Bildiyiniz kimi, bu yaxınlarda Aşqabadda dövlət başçılarının Zirvə Görüşü çox uğurlu keçdi. MDB üzvü olan digər ölkələr kimi, Azərbaycan da bu təşkilatda iştiraka böyük əhəmiyyət verir. Bir sıra məsələlərə dair bizim konstruktiv mövqeyimiz də MDB çərçivəsində qarşılıqlı fəaliyyətin daha da möhkəmlənməsinə töhfə verir. Əlbəttə, xüsusən müasir mərhələdə bizim regionda mövcud olan və yarana biləcək təhlükələr nəzərə alınmaqla hərbi sahədə əməkdaşlıq çox böyük əhəmiyyət kəsb edir. Zənnimcə, buna görə MDB üzvü olan ölkələrin sabitliyi və davamlı inkişafı çox cəhətdən dövlətlərimizin təhlükəsizliyini təmin edən orqanların qarşılıqlı fəaliyyətindən asılıdır.

Dövlət başçılarının Aşqabad Zirvə Görüşü çərçivəsində müzakirə edilən mövzulardan biri Böyük Vətən müharibəsində Qələbənin 75 illiyinə hazırlıq məsələsi idi. Biz Azərbaycanda da buna çox fəal hazırlaşırıq. Bu, bizim ümumi Qələbəmizdir, Azərbaycanda dövlət səviyyəsində qeyd edilən Qələbədir. 9 May ölkəmizdə dövlət bayramıdır. Bu bayram Heydər Əliyev Azərbaycana qayıdandan sonra bərpa edildi. Təəssüf ki, müstəqilliyin ilk illərində Xalq Cəbhəsinin xalqa zidd olan iqtidarı təqvimdəki bu qırmızı günü silməklə onu xalqımızın yaddaşından da silməyə cəhd göstərdi, veteranlara hörmətsizlik etdi. Əslində bu, Böyük Vətən müharibəsinin tarixini təhrif etmək cəhdləri idi. İndi bəzi ölkələrdə belə cəhdlər təəssüf ki, kifayət qədər kütləvi xarakter alır. Beləliklə, 9 May günü uzun illər boyu dövlət bayramı kimi qeyd edilir və veteranlara qayğı bizim gündəlik işimizin ayrılmaz tərkib hissəsidir. Veteranlar diqqət və qayğı ilə əhatə olunub, onların maddi vəziyyəti təmin edilir. Onlar bizim üçün, hamı üçün qəhrəmanlıq nümunəsidir.

Azərbaycan bizim ümumi Qələbəmizə böyük töhfə verib. Bunu demək kifayətdir ki, ümumi Qələbəmiz üçün tələb olunan yanacağın çox böyük hissəsini – neftin 70 faizini, benzinin 80 faizini, sürtkü yağlarının 90 faizini Bakı təmin edirdi. Bu potensial olmasaydı, faşist Almaniyasına qalib gəlmək çox çətin olardı. Təsadüfi deyil ki, faşist Almaniyası gözlərini Bakıya zilləmişdi, Bakını tutmaq planları vardı. Bu halda sovet ordusu zəruri yanacaqdan məhrum olardı. Tarixdən yaxşı bilirik ki, faşistlərin öz hücumlarını inkişaf etdirə bilməməsinin bir səbəbi məhz o idi ki, onlar yanacaq sarıdan korluq çəkirdilər. Bakı neftçiləri əsl fədakarlıq göstərir, gecə-gündüz işləyirdilər. Məhz həmin illərdə neft hasilatı rekord səviyyəyə – orta hasilat səviyyəsindən iki dəfə yüksək həddə çatmışdı. Böyük Vətən müharibəsində ümumi Qələbəyə Azərbaycan xalqının da sanballı töhfəsi olub. Xalqımızın 600 mindən çox nümayəndəsi müharibədə iştirak edib, onların yarısı ümumi Qələbəmiz uğrunda canlarından keçib. Sovet İttifaqı qəhrəmanlarından 170 nəfəri Azərbaycanın nümayəndələridir. Bu, xalqımızın qürur mənbəyi, böyüməkdə olan nəsil üçün örnəkdir.

Təsadüfi deyil ki, tarixin saxtalaşdırılması, faşizmin qəhrəmanlıq kimi qələmə verilməsi, tarixin yenidən yazılması cəhdlərinə Azərbaycanda çox həssas yanaşırıq. Bu, təkcə tarixin təhrif edilməsi baxımından deyil, gələcək nəsillər üçün də böyük təhlükədir. Çünki onlar bu miflərə inana bilər, mahiyyət etibarilə tarixi həqiqətdən uzaqlaşa bilərlər. Buna görə biz müharibənin səbəbləri haqqında, təcavüzkarın kim olması və həm ölkəsini, həm də dünyanın yarısını XX əsrin bu taunundan xilas etmiş sovet xalqının qəhrəmanlığı barədə həqiqətin dünyaya çatdırılması üçün ümumi səylərimizlə çox fəal iş aparmalıyıq.

Aşqabad Zirvə Görüşü zamanı mən belə bir məsələ də qaldırdım ki, MDB məkanında da təəssüf ki, faşizmin qəhrəmanlıq kimi qələmə verilməsi faktları var. Məhz Ermənistanda faşist cəllad Ter-Arutyunyan qəhrəman səviyyəsinə qaldırılıb. Ermənistanda meydanlara, küçələrə onun adı verilib. Bir neçə il bundan əvvəl isə Ermənistan paytaxtının mərkəzində ona təqribən 6 metr hündürlüyündə heykəl qoyulub. Bu adam deyirdi ki, “Almaniya uğrunda ölənlər Ermənistan uğrunda ölür”. Bu adam SMERŞ tərəfindən tutularaq uzunmüddətli həbs cəzasına məhkum edilib və onun şərəfsiz ömrü Vladimir həbsxanasında başa çatıb. Bax, belə bir “xadim”ə heykəl qoyulub və bu heykəl indiyə qədər götürülməyib. Mən həm dövlət başçılarının, həm də Ermənistanın yeni rəhbərliyinin diqqətini bu məqama cəlb etdim ki, MDB məkanında bu, yolverilməz hərəkətdir. Ermənistanın yeni rəhbərliyi özünün faşizmin qəhrəmanlıq kimi qələmə verilməsi ilə assosiasiya edilməsinə imkan verməməlidir. Təəssüf ki, bu heykəl indiyə qədər götürülməyib və bu, erməni tərəfin səmimiyyəti barədə çox böyük suallar doğurur. Erməni tərəfi deyir ki, o da qəhrəmanların xatirəsinə ehtiram bəsləyir. Bu, nonsensdir, ona görə ki, onlar faşistlərin əlaltılarının xatirəsinə ehtiram bəsləyir, yəni, əslində, bu mənfur əməllərə qarşı mübarizədə canlarından keçmiş insanların xatirəsinin təhqir edildiyini görürük. Buna görə biz öz tərəfimizdən bundan sonra da həm Birlik ölkələrinin, həm də digər dövlətlərin ictimaiyyətinin bu məsələyə diqqətini Qələbənin 75 illiyinə hazırlıq prizmasından cəlb edəcəyik. Düşünürəm ki, biz birgə səylərimizlə bundan sonra da işimizi bu istiqamətdə davam etdirəcəyik ki, Böyük Vətən müharibəsi haqqında həqiqət bütün dünya birliyinin, xüsusən gənc nəslin diqqətinə çatdırılsın.

Bugünkü iclas məsələsinə qayıdaraq, qeyd etmək istəyirəm ki, əlbəttə, sizin gündəliyiniz çox zəngindir. Əminəm ki, müzakirələr ölkələrimiz arasında əməkdaşlığın daha da möhkəmlənməsinə kömək edəcək. Bir daha xoş gəlmisiniz.

Sonra çıxış edən Rusiya Federasiyasının Müdafiə naziri, ordu generalı Sergey Şoyqu deyib:

- Hörmətli cənab Prezident.

Bizimlə görüşmək üçün vaxt tapdığınıza görə Sizə təşəkkürümüzü və minnətdarlığımızı bildiririk. Biz konkret olaraq Qələbənin gələcək yubileyi, ata və babalarımızın igidlikləri ilə bağlı xatirəni ümumi səylərimizlə qoruyub saxlamalı olmağımız barədə Sizin baxışlarınıza şərikik. Əlbəttə, o tarixi yenidən yazmaq, qalibləri məğlublar, məğlubları isə qaliblər kimi qələmə vermək məqsədilə göstərilən hər hansı cəhdlərə qarşı mübarizə aparmaq üçün nə mümkündürsə etmək lazımdır. Eyni sözlər bu böyük savaşın, ölkəmiz üçün ağır müharibənin gedişində törədilmiş cinayətlərə də aiddir. Bu gün bir tərəfdən tarixi yenidən yazmaq, digər tərəfdən qaliblərin məğlub sayılması üçün əlindən gələni etmək istəyənlərin sayı get-gedə artmaqdadır. Biz bunu nəzərə alaraq, bütün həmkarlarımızı Moskvada keçiriləcək bayram tədbirinə dəvət etmişik ki, Birlik ölkələrindən olan hərbi kontingent Qızıl Meydanda Qələbə paradında iştirak etsin. Ümidvaram ki, azərbaycanlı hərbi qulluqçular da əvvəllər olduğu kimi, bu tədbirdə çox fəal iştirak edəcəklər.

Bizim gündəliyə gəldikdə isə o, kifayət qədər genişdir. Əməkdaşlıq bizim birlikdə baxdığımız, təsdiq etdiyimiz planlar üzrə inkişaf edir. Burada xüsusi qeyd etmək istərdim ki, bu gün Rusiya beynəlxalq terrorizmə qarşı mübarizədə böyük təcrübə qazanıb, biz bu təcrübəni həmkarlarımızla bölüşməyə hazırıq. Bu, həm beynəlxalq terrorizmə qarşı mübarizə, həm humanitar kömək, o cümlədən minalardan təmizləmə, tibbi yardım və bir sıra başqa məsələlərə aiddir. Son hadisələr, Soçidə aparılmış danışıqlar, əldə edilmiş razılaşmalar, bizim Prezident və Türkiyə Prezidenti tərəfindən imzalanmış Memorandum çətinliklə həyata keçirilir, lakin görürük ki, bu, sülhün bərqərar olması, Suriyanın suverenliyinin qorunub saxlanması üçün yeganə üsuldur.

Ana səhifəyə dön