12:10 / 25-06-2022
Sabah yağışlı hava olacaq
AMEA-nın institut direktoru faciəli şəkildə həyatını itirib
Tarix: 19-05-2022 11:02 | Bölmə: Xəbər lenti
AMEA-nın institut direktoru faciəli şəkildə həyatını itirib

Azərbaycan Milli Elmlər Akademiyasının (AMEA) Dendrologiya İnstitutunun (Mərdəkan Dendrarisi) direktoru Tofiq Məmmədov faciəli şəkildə dünyasını dəyişib.

Reyting.az
"Report"-a istinadla xəbər verir ki, o, bu gün səhər saatlarında işlə bağlı Xızı rayonuna gedib.

Direktor yolda istirahət etmək üçün avtomobilini saxlayaraq maşından düşüb. Bu zaman həmin yolda iki avtomobil toqquşub və onlardan biri yoldan çıxaraq T. Məmmədovu vurub. Nəticədə T. Məmmədov həlak olub.

Xatırladaq ki, T. Məmmədov 1957-ci ildə Ordubad rayonunun Dırnıs kəndində anadan olub, 1982-ci ildə Azərbaycan İnşaat Mühəndisləri İnstitutunu inşaatçı mühəndis diplomu ilə bitirib. O, 1982-1986-ci illərdə müxtəlif təşkilatlarda çalışıb, 1986-cı ildə AMEA-nın Botanika İnstitutunda direktor müavini vəzifəsinə işə qəbul olunub, 1996-cı ildən isə Dendrologiya İnstitutuna direktor təyin edilib.

T. Məmmədov 2015-ci ildə prezident İlham Əliyevin sərancamı ilə "Şöhrət" ordeninə layiq görülüb. Ailəli idi, 2 övladı var.

Allah rəhmət eləsin!




Bölməyə aid digər xəbərlər
{sape_links}{sape_article}