Din xadimindən Azərbaycana çağırış: “Minsk qrupuna, ABŞ-a və yəhudi lobbisinə etibar etməyin”
Tarix: 08-11-2019 22:41 | Bölmə: Siyasət
Din xadimindən Azərbaycana çağırış: “Minsk qrupuna, ABŞ-a və yəhudi lobbisinə etibar etməyin”

“Azərbaycan xalqı əsas düşmənini yaxşı tanımalı və bilməlidir ki, Dağlıq Qarabağ ərazisinin azad edilməməsinin əsas səbəbi ABŞ hökumətidir”.

Reyting.az
“Mehr” İnformasiya Agentliyinə istinadla xəbər verir ki, bunu İranın Ərdəbil şəhərinin imam-cüməsi Seyyid Həsən Ameli bildirib.

Cümə xütbələrində daim Azərbaycan Respublikasına dair açıqlamalar verən din xadimi bu dəfə qondarma Dağlıq Qarabağ Respublikasındakı separatçı rejimin xarici işlər nazirinin ABŞ-a səfərinə toxunub: “ABŞ-dakı erməni lobbisinin yardımı ilə qondarma Dağlıq Qarabağ Respublikasının naziri ABŞ-a getdiyini öyrənməklə kədərlənirik. ABŞ bu şəxsə viza verdi və ABŞ Nümayəndələr Palatasının prezidenti onunla görüşməyə gəldi. O, ABŞ-ın digər rəsmiləri ilə də görüşdü və rəsmilərlə görüşlərində dedi ki, mənim səfərim Qarabağın müstəqil dövlət kimi formalaşması və dövlətinin rəsmən qurulmasının müqəddiməsidir”.

İmam-cümə əlavə edib: “Azərbaycan xalqı əsas düşmənini yaxşı tanımalı və bilməlidir ki, Dağlıq Qarabağ ərazisinin azad edilməməsinin əsas səbəbkarı ABŞ hökumətidir. ABŞ Dağlıq Qarabağ “hökuməti”ni dəstəkləyir, bununla həm Azərbaycanın ərazi bütövlüyünü pozaraq, Azərbaycan millətini təhqir edir və Minsk qrupunun neytral qrup olmadığını sübut edir”.

Seyyid Həsən Ameli, həmçinin deyib:

“Böyük dövlətlərə və ya Minsk qrupuna böyük əhəmiyyət verməməlisiniz. Həm də bilməlisiniz ki, ABŞ-a və İsrailə torpaqlarınızı azad etmək üçün bağladığınız bütün ümidlər boşa çıxdı. Ziyanın yarısan qayıtmaq da xeyirdir. Millətinizə arxalanın və müsəlman gənclərə etibar edin”.

Ərdəbil imam-cüməsi bildirib ki, bu yaxınlarda üç ABŞ senatorunun Qarabağa gəlməsi ABŞ-dakı erməni lobbisinin işi idi. “Buna görə də Azərbaycan hökuməti Minsk qrupuna, ABŞ-a və ya sionist lobbisinə etibar etməməlidir. Çözüm öz millətinə güvənmək və Azərbaycan millətinin Aşura nümunəsini bərpa etməkdir”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}