Nüvə müharibəsi zamanı ən təhlükəsiz yerlər müəyyənləşib - Siyahı
Tarix: 23-09-2022 23:55 | Bölmə: Slayd
Nüvə müharibəsi zamanı ən təhlükəsiz yerlər müəyyənləşib

Rusiya prezidenti Vladimir Putinin nüvə müharibəsi təhdidləri dünyada böyük narahatlıq yaradıb. Hətta dünyanın aparıcı KİV-ləri mümkün nüvə hücumdan sağ çıxmaq üçün ən təhlükəsiz yerləri müəyyənləşdirməkdə davam edirlər.

Reyting.az
xatırladır ki, Putinin nüvə silahından istifadə ilə bağlı hədələrinə reaksiya verən ABŞ prezidenti Co Bayden Rusiyanın “qismən səfərbərlik” elanından sonra da Ukraynaya dəstəyini davam etdirəcəyinə söz verib.

Ukrayna prezidenti Volodimir Zelenski isə Putinin nüvə silahından istifadə edəcəyinə inanmır: “Düşünürəm ki, dünya onun bu silahlardan istifadə etməsinə icazə verməyəcək”.

Bununla belə, ehtiyatlı olmağın faydalarını nəzərə alan “Daily Star” mümkün Üçüncü Dünya Müharibəsi vəziyyətində dünyanın ən təhlükəsiz yerlərinin siyahısını hazırlayıb.

Antarktika

Antarktika müqaviləsi sayəsində qitə planetin ən təhlükəsiz yerlərindən biri kimi təsnif edilə bilər. 1961-ci ildə 12 ölkə bir araya gələrək bütün hərbi fəaliyyətin qadağan olunmasını nəzərdə tutan saziş imzalayıb. Sazişi ilk imzalayanlar Argentina, Avstraliya, Belçika, Çili, Fransa, Yaponiya, Yeni Zelandiya, Norveç, Cənubi Afrika, Sovet İttifaqı, Böyük Britaniya və ABŞ olub. O vaxtdan bəri Braziliya, Çin, Almaniya, Şimali Koreya və Polşa da daxil olmaqla, daha bir neçə ölkə müqaviləyə qoşulub.

Kolorado

Başqa bir təhlükəsiz yer Koloradodakı Çeyen dağı ola bilər. Burada 25 tonluq qapısı olan nəhəng bir bunker var. İçəridə Şimali Amerika Aerokosmik Müdafiə Komandanlığının (NORAD) və Amerika Birləşmiş Ştatlarının Şimal Komandanlığının qərargahı yerləşir, bu, onu sığınacaq üçün çox təhlükəsiz bir yerə çevirir. O, 1966-cı ildə uzaqmənzilli sovet bombardmançılarına, ballistik raketlərə və Rusiyanın nüvə hücumuna tab gətirmək üçün tikilib.

İslandiya


Bu ölkənin əhalisi azdır, beynəlxalq siyasi işlərdən kənarda qalır, qərəzsiz hökumət var. Hücum edən və İslandiyanı məhvetmə planı ehtimalı çox zəifdir. Eyni zamanda sizin əlinizdə demək olar ki, qeyri-məhdud balıq ehtiyatı da olacaq.

Quam


Nüvə müharibəsindən sonrakı həyatınızı daha isti yerdə keçirmək istərdinizmi? Bunun üçün Quam çox uyğun yer ola bilər. Sakit okeandakı kiçik adanın 168.000 əhalisi var və düşməni yoxdur. O, heç kimə təhlükə yaratmır və müharibədən qaçan hər kəs üçün ideal sığınacaq ola bilər.

Pert

Avstraliyanın Qərbi Avstraliya əyalətinin paytaxtı Pert hər hansı siyasi mərkəzdən o qədər uzaqdır ki, heç kimin məhv siyahısına daxil edilməyəcəyini ehtimal etmək olar. Şəhərin 2 milyondan çox əhalisi var, amma daha çox insanı yerləşdirmək üçün kifayət qədər yer mövcuddur.




Bölməyə aid digər xəbərlər
{sape_links}{sape_article}