16:23 / 16-04-2024
"Tiktoker Semka" həbs olunub
Deputat: “Ermənilər sülh danışıqlarından qaçır və...”
Tarix: 03-02-2023 22:12 | Bölmə: Slayd
Deputat: “Ermənilər sülh danışıqlarından qaçır və...”

“Ermənistanın indi apardığı siyasətin məntiqi aydındır: müharibə aparmağa gücləri yoxdur, ancaq məğlubiyyətlə bağlı sülhə də getmək istəmirlər. Başqa sözlə, ermənilər bütövlükdə Qarabağda yaşayan bir qrup erməninin Azərbaycan daxilində azlıq kimi yaşaması ilə razılaşmırlar. Bunların da istəklərini Nikol Paşinyan əks etdirir. Yəni gedib Avropadan sərhədə müşahidəçi gətirir, sülh danışıqlarından qaçır, zarıyır ki, Azərbaycan üzərimizə yerimək istəyir. Amma, eyni zamanda sülh danışıqlarına gəlmir və sülh müqaviləsini imzalamaq istəmir”.

Bunu Reyting.az-a Milli Məclisin deputatı Rasim Musabəyov deyib.

R. Musabəyovun fikrincə, ermənilər özlərini zərərçəkən kimi təqdim etməyə çalışır və hansısa razılaşmaya imza atmaq istəmirlər: “Baş nazir Paşinyan isə populist siyasətçi olduğu üçün ermənilərin bu mövqeyini davam etdirir”.

R. Musabəyov əlavə edib ki, sülh danışıqları ermənilərin hərəkəti səbəbindən dayanıb və prosesin nə qədər davam edəcəyini zaman göstərəcək.

V. QULİYEV
Reyting.az




Bölməyə aid digər xəbərlər
{sape_links}{sape_article}