Tanınmış tiktokerlər saxlanılıb - Foto
Tarix: 23-12-2024 23:08 | Bölmə: Xəbərlər
Tanınmış tiktokerlər saxlanılıb

"TikTok”da əyləncə yarışları təşkil edən tanınmış tiktokerlər saxlanılıb.

Reyting.az
-ın xəbərinə görə, bu barədə Daxili İşlər Nazirliyinin sözçüsü, polkovnik Elşad Hacıyev məlumat yayıb.

O bildirib ki, “TikTok” sosial şəbəkəsində müxtəlif adlar altında əyləncə yarışları təşkil edərək əxlaqsızlığı təbliğ edən şəxslərə qarşı polis əməkdaşları tərəfindən tədbirlər görülür:

"Vətəndaşların narazılığına səbəb olan "emin_resad" və "azerzahid6669966" adlı istifadəçilər tərəfindən "TikToker"lərin iştirakı ilə təşkil olunan yarışmalarda baş verənlər canlı yayımlanıb.

Cəmiyyətdə birmənalı qarşılanmayan bu hərəkətlərlə bağlı aparılan araşdırmalar çərçivəsində "emin_resad" adlı "TikTok" səhifəsinin idarəçiləri — Abdullayev Emin və Rəşad qardaşları, "azerzahid6669966" adlı səhifənin idarəçisi Azər İsmayılov və digərləri polis əməkdaşları tərəfindən saxlanılıblar.

Hazırda bu istiqamətdə araşdırmalar davam etdirilir".





Bölməyə aid digər xəbərlər