İdeoloji təxribatla üzləşmək istəmirsinizsə...

Xəbər lenti

18:07 / 24-11-2024

İlham Əliyev: “COP29 iqlim diplomatiyasında dönüş nöqtəsidir!”

16:59 / 24-11-2024

“COP29 kimi qlobal tədbiri MDB-də yalnız Azərbaycan keçirə bilərdi” - Professor

10:57 / 24-11-2024

Hikmət Hacıyev: “COP29 uğurla başa çatdı”

10:42 / 24-11-2024

Kursk vilayətinin 40 faizdən çoxuna ruslar nəzarət edir

08:40 / 24-11-2024

Bakıda COP29-un bağlanış plenar sessiyası keçirilib - (Yenilənib+Video)

00:03 / 24-11-2024

Qurban Qurbanov: "Mənə bir də bu barədə sual verməyin"

22:18 / 23-11-2024

Daşkəsəndə 4 nəfər qazdan zəhərlənib

20:11 / 23-11-2024

Kiyevə nüvə silahının verilməsi müzakirə olunur

20:08 / 23-11-2024

"Qarabağ" qalib gəlib

19:22 / 23-11-2024

Məşhur idmançı 250 min avro cərimələnib - Foto

18:55 / 23-11-2024

Qəzzaya son hücumlarda 120 fələstinli öldürülüb

18:48 / 23-11-2024

NATO-nun baş katibi Trampla danışıqlar aparıb

18:40 / 23-11-2024

Avropa yeni enerji böhranı ilə üz-üzədir

18:08 / 23-11-2024

Novella Cəfəroğlu: "İndi normal pensiya alıram, məbləği açıqlamaq istəmirəm"

17:57 / 23-11-2024

Prezident Su Təchizatı Xidmətinin fəaliyyət sahəsini genişləndirib

17:50 / 23-11-2024

“Azərenerji” və “Azərişıq”a yeni səlahiyyət verilib - Fərman

17:25 / 23-11-2024

Müğənni Nadir Qafarzadə: "Torpaq alıb neyləyəcəm ki?!"

17:04 / 23-11-2024

1-ci siniflərin yerdəyişmə prosesinə start verilir

16:47 / 23-11-2024

Keçmiş icra başçısı vəfat edib

16:39 / 23-11-2024

Agentlik sədrinin birinci müavini təyin olunan Xəyyam Məmmədov kimdir?

16:11 / 23-11-2024

Prezident hərbi xidmətə çağırışla bağlı sərəncam imzalayıb

16:05 / 23-11-2024

Prezident bir qrup şəxsi təltif edib - Siyahı

16:02 / 23-11-2024

Milli Müdafiə Universiteti ilə bağlı daha bir qərar imzalanıb

15:57 / 23-11-2024

Türkiyədə 3 ton saxta spirtli içki ələ keçirilib

15:45 / 23-11-2024

Nazirlər Kabineti daha bir qərar verib

15:34 / 23-11-2024

"Gürcü Arzusu": "Parlamentdə yüksək vəzifəli şəxslər öz postlarını qoruyacaq"

15:28 / 23-11-2024

Agentlik sədrinə yeni müavinlər təyin olunub - Sərəncam

15:08 / 23-11-2024

Temperatur düşəcək, leysan yağacaq - Xəbərdarlıq

14:31 / 23-11-2024

Müdafiə Nazirliyində xidməti müşavirə keçirilib

13:28 / 23-11-2024

COP29 zolaqlarında yol nişanları sökülür

Xəbər lentinin davamı

Ən çox oxunanlar

13:32 / 21-11-2024

Dünyanın ən güclü donanmaları... - Qardaş Türkiyə siyahıda neçəncidir?

16:45 / 20-11-2024

Nazir: "Regionlardakı bəzi poçt şöbələrinin bağlanması araşdırılacaq"

16:22 / 20-11-2024

“Real Betis” klubunun nümayəndəsi Bakıda nəyə təəccüblənib? - Foto

16:45 / 21-11-2024

Prezident iki Mərkəzi ləğv edib - Sərəncam

00:07 / 22-11-2024

Hikmət Hacıyev: “Politico”nun üzr istəməsini tələb edirik!”

09:37 / 21-11-2024

Naxçıvan səhiyyəsində həbslər başlayıb

11:03 / 23-11-2024

Türkiyədə 70 kq qızılla tutulan azərbaycanlı diplomatdır? - (Yenilənib)

10:03 / 20-11-2024

Azərbaycan və Türkiyənin bələdiyyə təşkilatları arasında görüş keçirilib - Fotolar

00:45 / 22-11-2024

Məşhur yazıçının yeni romanı nəşr edilib - Foto

15:30 / 22-11-2024

Nüvə müharibəsi ssenarisi - Təhlükədən qorunmaq üçün bunker sifariş edənlərin sayı artır

12:52 / 20-11-2024

Casusluq ittihamı: 20 şübhəli hakim qarşısına çıxarılıb - Foto

13:04 / 21-11-2024

Kino şirkəti Batmobil avtomobili istehsal edir

İdeoloji təxribatla üzləşmək istəmirsinizsə...
Tarix: 11-02-2019 11:29 | Bölmə: Cəmiyyət

Şirift ölçüsü:

Müdriklərin “Riyakarın qiyafəti işıq, məzmunu kölgədir”,- deyimi çağdaş dünyamızda aktuallığını qorumaqla yanaşı, həm də adiləşməsi ilə diqqəti cəlb edir. Əfsuslar olsun ki, bu aforizmdən irəli gələn və həyatın müxtəlif sahələrində müşahidə olunan keyfiyyətlər son zamanlar din, inanc kimi mənəvi dünyamıza da sirayət etdirilir. Bəli, etmir, məhz etdirilir. Çünki hər bir inanc sistemi, o cümlədən də mənsub olduğumuz cəmiyyətin mənəvi aləmini tənzimləyən sonuncu səmavi din – İslam dini riyakarlığı ən qəbih əməl kimi səciyyələndirir və insanlığı, xüsusilə özünü müsəlman sayanları belə naqislikdən çəkinməyə səsləyir.

Yüzillərdir ki, dindar insanlar müqəddəs məkanları ziyarət edir, xüsusilə Məhərrəm ayında “Ərbəin” ziyarətinə getməklə İmam Hüseyn müsibətinin baş verdiyi yerləri görüb, bəlkə yüzlərlə kilometr məsafəni piyada qət edir, bu əməldən feyz alaraq özümüzü mənən rahat hiss edirik. Təəssüf ki, insanların mənəvi rahatlığından, eyni zamanda o yerlərin insana verdiyi paklaşmadan sui-istifadə edənlər, məkrli plan hazırlayanlar da var. Zaman-zaman inanclı insanların saflığından istifadə edilməsi barədə eşitmiş, amma bunların keçici, nadir hadisə olduğunu düşünürdüm. Amma, belə deyilmiş.

Bu yaxınlarda polisdə çalışan dostumla həmsöhbət olarkən, o, məni hədsiz dərəcədə heyrətləndirən məsələlərdən bəhs etdi və mən eşitdiklərimdən həm həyəcanlanır, həm də qəzəblənirdim. Söhbətə qulaq asandan sonra xeyli fikirləşdim və bu barədə yazmasaydım özümü bağışlaya bilməzdim. Deməli, “Ərbəin” ziyarətinə gedən həmvətənlərimizə bəzi ölkələrin məxfi idarələrinin əməkdaşları əvvəlcə başqa adlar altında yaxınlaşır, onlarla “səmimi” ünsiyyət qurur, sonra da əsil simalarını göstərib, ziyarətə getmiş İmam Hüseyn əzadarını müxtəlif yollarla xəyanət uçurumuna yuvarlayırlar. Əfsuslar olsun ki, bunu edənlərin də qiyafəsi dini-İslam, hətta şiəlikdir. Bəli, mahiyyəti deyil, məhz qiyafəsi...

Zənnimcə, məni belə düşünməyə vadar edən məsələ barədə ətraflı məlumat vermək yerinə düşərdi. Ona görə ki, bu nə əvvəlincidir, nə də axırıncı.

Deməli, bu yaxınlarda bizim hüquq-mühafizə orqanları bir əməliyyat həyata keçirib və görülən tədbirlər nəticəsində ölkəmizin vətəndaşı İmanov Hüseyn Əliağa oğlunun üzərində narkotik vasitə olan heroin aşkar edilib. Bu işlə əlaqədar H. İmanovun evində axtarış aparılıb və bu zaman evinin divarlarından asılan şəkillərdən, bəzi əşyalardan məlum olub ki, bu adam həm də dindardır və onun əməli ilə dindarlığının təzad təşkil etməsi, istər-istəməz orqan işçilərində təbii maraq oyadıb.

Hüseyn İmanovla aparılan söhbət, sonra da ilk sorğu-sual zamanı məlum olub ki, o, özünün dediyi kimi tələyə düşüb. Belə ki, “Ərbəin” ziyarətində olarkən, məqsədli şəkildə dindar qiyafəsinə bürünmüş xarici ölkələrdən birinin gizli idarəsinin əməkdaşı onunla tanış olub. Məlum olub ki, adı Muhamməd olan bu şəxs xaricdə terror-təxribat fəaliyyətinin həyata keçirilməsi üzrə ixtisaslaşmış əməkdaşdır. Hüseyn İmanovla tanışlıqdan sonra bir müddət telefon vasitəsilə onların münasibətləri davam edib. Əcnəbi əməkdaş həmvətənimizi təsir altına salıb və israrla ölkəsinə dəvət edib. Nəhayət, əsil simasını göstərən Muhamməd, orada onu ideoloji təsir altına salıb və maddi maraq müqabilində ələ alıb.

Yazımın əvvəlində dediyim kimi, təəssüf ki, sadəlövh insanların inanclarından hər zaman müəyyən qüvvələr yararlanmağı bacarıb. Muhamməd də, soydaşımızın dini hisslərindən yararlanaraq onunla Azərbaycan əleyhinə söhbətlər aparmış, sonuncuya respublikamızın, doğma vətənimizin mənafeləri zərərinə olan tapşırıqlar vermişdir. Muhamməd bununla kifayətlənməyib və həmçinin onun dinindən olmayanlarla mübarizə apardıqlarını bildirmiş, onlara qarşı terror aktı törətməyin vacibliyini H. İmanova təlqin etmişdir. O həddə çatıb ki, artıq din söhbətini yeri gələndə kənara qoyub, Hüseyn İmanova kriminal mühitə nüfuz etmək, habelə «avtoritet»lərlə əlaqələr yaratmaq tapşırığını verib. Görünür nəzərdə tutduqları cinayətlərin miqyasını böyütmək, xarakterini də daha qəddarcasına həyata keçirmək məqsədini güdüblər. Muhamməd, verdiyi tapşırıqlar icra olunmayacağı təqdirdə, Hüseyn İmanovu ailə üzvlərinin həyat və sağlamlığına zərər vurmaqla təhdid edərək onu psixoloji təsir altında saxlamışdır. H. İmanov etiraf edib ki, Muhamməd tərəfindən ona hədə-qorxu gələrək Azərbaycan ərazisində terror-təxribat hərəkətlərinin törədilməsinə sövq edilib.

Eşitdiklərim, nəinki bir vətəndaş, həmçinin bir müsəlman və insan olaraq məni doğrudan da hiddətləndirdi. Sual yaranır ki, sən İslam adından danışır, üstəlik özünü on iki imam ideyasının bayraqdarı sayırsansa, sərgilədiyin davranış nədən qaynaqlanır? Sən nə haqla cənnət gənclərinin ağası, seyyiduş-şühəda İmam Hüseynin (ə) hərəminin zəvvarlarını etiqadi və ideoloji təxribata məruz qoyursan?

Muhamməd kimilərinin dini ideya, yoxsa siyasi-ideoloji baxış olduğu bəlli olmayan dövlət ideologiyalarını “ilahi qaynaqlı təlim” adı ilə əldə bayraq etməsini düşünərkən, hələ ötən əsrin əvvəllərində böyük ədibimiz Mirzə Cəlilin öz mənafeləri üçün dini dəyərlərdən sui-istifadə edənlərə yönəlmiş çağırışını xatırlamamaq olmur: “...bunu da biliniz ki, ey mollalar, günlər dolanar, sular axar, zəmanə təzələnər və axırda yetim-yesir, keçəl-küçəl qardaşlarım dostu ilə düşmənini tanıyıb, haman yoğun dəyənəkləri əlinizdən alar və başlar ... dəxi dalısını demirəm”.

Əlbəttə, ola bilər ki, bu gün mühammədlər kimlərinsə sadəlövhlüyündən, məlumatsızlığından istifadə edib onları yoldan çıxara bilirlər, lakin bu gec-tez onsuz da faş olmağa məhkumdur.

Digər tərəfdən, belə hərəkətlər nə qədər hiddət doğursa da, yenə də istəməzdik adekvat təbliğatlar aparaq. Misal üçün, əgər, öz pozucu xarakterli əməllərinə “müqəddəslik” donu geyindirən biriləri mənim dövlət quruluşumu və ideologiyamı mənim həmvətənlərim qarşısında gözdən salmağa çalışırsa, ölkəsinə və dəyərlərinə sadiq bir vətəndaş kimi mənim də borcumdur ki, onları layiqli cavablandırım.

Lakin mütəxəssislərə, alimlərə sual ünvanlayıb hansısa dövlətin “müqəddəs”lik donu geydirdiyi ideologiyanı müzakirəyə çıxarıb gerçək dini dəyərlərə aidiyyətini şübhə altına almağı da özümə rəva görmürəm. Dövlətə, cəmiyyətə və insanlığa ehtiram naminə. Ehtiram isə birtərəfli deyil, qarşılıqlı olur. Bir də gerçək İslam keşikçisi, İslamın dəyər verərək Yer üzünün əşrəfi saydığı İnsanı riyakarlıqla din adı ilə uçuruma yuvarlamaz. Unutmamalıyıq ki, insan nə qədər sürətli qaçsa da, bir Uca Yaradanın nəzərindən, bir də öz vicdanından uzaq düşə bilməz.(Moderator.az)

Hacı Hüseyn Əlizadə

Ana səhifəyə dön