17:38 / 28-03-2024
Əməkdar artist vəfat edib
Diaspor rəhbərimiz Ağadadaş Kərimov qızını erməniyə ərə verib
Tarix: 06-05-2018 10:44 | Bölmə: Cəmiyyət
Diaspor rəhbərimiz Ağadadaş Kərimov qızını erməniyə ərə verib

Rusiyada fəaliyyət göstərən Azərbaycan Milli Mədəni Muxtariyyətinin Moskva regional bölməsinin sədri Ağadadaş Kərimovun qızını erməni biznesmenə ərə verməsi sosial şəbəkələrin əsas müzakirələrindən birinə çevrilib.

Reyting.az
saytının xəbərinə görə, Diaspor sədri Real TV-yə açıqlamasında deyib ki, qızını erməni milliyətindən olan şəxsə ərə verdiyi üçün peşiman deyil.

"Qızımın erməni oğlanla ailə həyatı qurmağı doğrudur. Bunu bütün dost-tanışlar illərdir ki, bilirlər. Bu normal hadisədir. Həyat yoldaşım da milliyətcə ermənidir. Oğlanın atası, babası Gürcüstandan gələn ermənilərdir. Oğlan burada anadan olub. Erməni dilində danışa da bilmir. KVN-də iştirak edib, qızım da ora gedib-gəlirdi. Orada tanış olublar”, - deyə Ağadadaş Kərimov bildirib.

A. Kərimov 35 ildən çoxdur ki, Rusiyada yaşayır. Övladları da burada anadan olub, böyüyüb. Lakin, tez-tez Azərbaycana gedirlər.

Qeyd edək ki, Ağadadaş Kərimovun qızının erməni biznesmenlə toyundan fotolar sosial şəbəkələrdə də yayılıb.

Saytlar toyun Moskvada yerləşən erməni iş adamına məxsus restoranların birində baş tutduğunu desə də, A. Kərimov bunu inkar edir. Deyir ki, toy mərasimi azərbaycanlıya məxsus şadlıq sarayında baş tutub, Azərbaycan rəqsləri, mahnıları ifa olunub.

Toy mərasimində azərbaycanlılarla yanaşı ermənilər də iştirak edib.

Burada belə bir haqlı sual ortaya çıxır: Görəsən, həyat yoldaşı və yeznəsi erməni olan Diaspor rəhbərimiz Ermənistan-Azərbaycan, Dağlıq Qarabağ münaqişəsi, eləcə də Xocalı soyqırımı ilə bağlı həqiqətləri Rusiya ictimaiyyətinə olduğu kimi çatdıra bilirmi? Və yaxud Azərbaycanın Diasporla İş üzrə Dövlət Komitəsinin başbilənləri A. Kərimovun Rusiyadakı müəyyən sayda soydaşlarımıza rəhbərlik etməsinə razılıq verərkən onun erməni təəssübkeşliyi edə biləcəyini nəzərə alıblarmı?

Reyting.az




Bölməyə aid digər xəbərlər
{sape_links}{sape_article}