İki ölkə birlikdə yeni silah hazırlayacaq
Tarix: 15-05-2025 11:22 | Bölmə: Dünya
İki ölkə birlikdə yeni silah hazırlayacaq

Britaniya və Almaniya birgə “dərin dəqiqlikli zərbə” silahı hazırlayacaqlar.

Reyting.az
xəbər verir ki, Böyük Britaniyanın Müdafiə naziri Con Healey və onun almaniyalı həmkarı Boris Pistorius Berlində keçiriləcək görüşdə uzaqmənzilli (2000 km-dən çox) silah yaratmaq üçün yeni layihəni açıqlayacaqlar.

Britaniyanın Müdafiə naziri deyib ki, daha təhlükəli bir dünyada NATO və avropalı müttəfiqlər birləşib.

“Reuters” yazır ki, layihənin başlanma vaxtı və ya büdcəsi ilə bağlı əlavə təfərrüatlar yoxdur.

Məlumata görə, nazirlər patrul və kəşfiyyat təyyarələri üçün torpedaların birgə alınmasını da müzakirə edəcəklər. Üstəlik, Almaniyanın Britaniya istehsalı olan hərbi körpülərin alınması ilə bağlı sövdələşmənin də elan ediləcəyi gözlənilir.

ELÇİN




Bölməyə aid digər xəbərlər
17-06-2025, 12:50 İki neft tankeri toqquşub