“Gürcü Arzusu” parlamentdə 90 yer əldə edib
Tarix: 03-12-2020 18:05 | Bölmə: Dünya
“Gürcü Arzusu” parlamentdə 90 yer əldə edib

Gürcüstanın Mərkəzi Seçki Komissiyası (MSK) oktyabrın 31-də keçirilmiş parlament seçkilərinin nəticələrinə dair yekun protokol qəbul edib.

Sənədə əsasən hakim Gürcü Arzusu Partiyası seçkilərdə 48,22% səs toplayıb.

Partiya X çağırış parlamentində proporsional sistem üzrə 60, majoritar sistem üzrə isə 30 olmaqla ümumilikdə 90 yer əldə edib.

Müxalifət partiyalarının nümayəndələri protokolu imzalamaqdan imtina ediblər.

Yeni parlamentin ilk iclası dekabrın 20-dən gec olmayaraq keçirilməlidir. İclasın tarixini prezident təyin edəcək.

Qeyd edək ki, seçkilərdə iştirak edən müxalifət partiyaları nəticələri tanımayıb və deputat mandatlarından imtina ediblər/Report.




Bölməyə aid digər xəbərlər
{sape_links}{sape_article}