Prezident və birinci xanım Gəncəyə gediblər

Xəbər lenti

13:24 / 21-08-2025

ABŞ: Avropa Ukraynanın təhlükəsizliyində ən böyük payı öz üzərinə götürməlidir

13:18 / 21-08-2025

Dövlət Gömrük Komitəsində yeni təyinat olub

13:02 / 21-08-2025

Prezident və birinci xanım Kəlbəcərə gediblər - (Yenilənir)

12:59 / 21-08-2025

MN: "Pirəkəşküldə yararsız döyüş sursatları məhv ediləcək"

12:56 / 21-08-2025

Trampı Rumıniyaya “F-35” qırıcıları yerləşdirməyə çağırırlar

12:54 / 21-08-2025

Ağdərənin dağlıq hissəsində yanğın başlayıb

12:46 / 21-08-2025

İlham Əliyev: "Mənfur Minsk qrupu artıq son günlərini yaşayır"

12:32 / 21-08-2025

Sabah hava necə olacaq? - Proqnoz

12:06 / 21-08-2025

Zelenski Ukraynadakı seçkilərdən danışıb

11:48 / 21-08-2025

TANAP ilə nəql edilən Azərbaycan qazının həcmi açıqlanıb

11:44 / 21-08-2025

Rəşad Məcidin 60 illiyinə həsr olunmuş “Qala adam” kitabı çap olunub

11:25 / 21-08-2025

Bakıda 31 yaşlı kişi öldürülüb - Yenilənib

11:19 / 21-08-2025

Rəqsanə İsmayılovanın ərinin ifadəsi alınıb

11:04 / 21-08-2025

Nazir müavininin adı 3.8 milyon manatlıq "tender oyunu"nda hallanır

10:54 / 21-08-2025

Kimya Sənaye Parkının ərazisi genişləndirilir - Sərəncam

10:40 / 21-08-2025

Şəmkirdə zəhərlənənlərin sayı artıb: 14-ü uşaqdır - Yenilənib

10:38 / 21-08-2025

Rəsmi Bakı ABŞ ilə daha sıx əlaqələr qurur

10:16 / 21-08-2025

SOCAR qeyri-sabit hava ilə bağlı təhlükəsizliyi gücləndirib

10:04 / 21-08-2025

İrəvan eyni vaxtda iki stulda oturmağa çalışır: həm Vaşinqton, həm də Tehran

09:43 / 21-08-2025

Masallıda Viləşçay su anbarında bir nəfər boğulub

09:32 / 21-08-2025

Sumqayıtda döyülən şəxs maşını atəşə tutub

09:29 / 21-08-2025

İlham Əliyev Murovdağ tunelinin texniki açılışını edib

09:27 / 21-08-2025

ABŞ Putinin həbsinə order verən hakimlərə sanksiya tətbiq edib

08:27 / 21-08-2025

Deyv Bautista ən yaxşı aktyor-güləşçidir

08:21 / 21-08-2025

Prezident: ABŞ beynəlxalq hüququn əsas prinsiplərini pozur

08:16 / 21-08-2025

Keçmiş nazir komissiya rəhbərini kəskin tənqid edib

08:08 / 21-08-2025

Sentyabrda Ay, Günəş və Venera tutulacaq

08:04 / 21-08-2025

İsrail ordusu Qəzzaya hücuma keçib

07:58 / 21-08-2025

Putin və Zelenski görüşündə ən vacib məsələ...

07:52 / 21-08-2025

Kiyevə təhlükəsizlik zəmanətini müzakirə edəcəklər

Xəbər lentinin davamı

Ən çox oxunanlar

21:45 / 18-08-2025

Tramp ilə Zelenski görüşüb - (Yenilənib) - Fotolar

17:57 / 18-08-2025

Şəhidlər xiyabanında əxlaqsız videolar paylaşan əcnəbilər həbs olunub - (Yenilənib) - Fotolar

20:53 / 16-08-2025

Cəlilabadda 62 yaşlı qadın öldürülüb - Yenilənib

17:10 / 20-08-2025

Prezident və birinci xanım Gəncəyə gediblər - (Yenilənib) - Fotolar

19:18 / 18-08-2025

Cəlaloğlu: Ukrayna ərazilərini 99 il müddətinə Rusiyaya verəcəklər, amma...

07:52 / 19-08-2025

Zelenski: ABŞ-dan təhlükəsizliyimizə təminat aldıq

21:22 / 17-08-2025

Astarada 66 yaşlı kişi qətlə yetirilib

07:47 / 18-08-2025

Tramp Zelenskini Krımdan imtina etməyə çağırır

10:41 / 18-08-2025

Putin daha çox ərazi istəyir - Foto

12:09 / 19-08-2025

Putin sülh danışıqlarından Qərbə qarşı müharibə aləti kimi istifadə edir

15:30 / 16-08-2025

Ceyhun Bayramovla Ukrayna XİN başçısı arasında telefon danışığı olub

11:25 / 21-08-2025

Bakıda 31 yaşlı kişi öldürülüb - Yenilənib

Prezident və birinci xanım Gəncəyə gediblər - (Yenilənib) - Fotolar
Tarix: 20-08-2025 17:10 | Bölmə: Gündəm

Şirift ölçüsü:

Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 20-də Gəncə şəhərində olublar.

Reyting.az xəbər verir ki, dövlətimizin başçısı və birinci xanım Ulu Öndər Heydər Əliyevin şəhərin mərkəzində ucaldılan abidəsini ziyarət edərək, önünə gül dəstələri qoyublar.

Prezident İlham Əliyevə və birinci xanım Mehriban Əliyevaya şəhərdə aparılan tikinti-quruculuq işləri barədə məlumat verilib.

***

Prezident İlham Əliyev və birinci xanım Mehriban Əliyeva avqustun 20-də Gəncə şəhərində “Azerbazalt” MMC-nin bazalt məhsullarının istehsalı müəssisəsinin təməlqoyma mərasimində iştirak ediblər.

Reyting.az xəbər verir ki, "Azerbazalt” MMC-nin təsisçisi Rafət Əliyev dövlət başçısına və birinci xanıma müəssisə haqqında məlumat verib.

Bildirilib ki, burada bazalt tozu və onun əsasında orqanik gübrə istehsalı həyata keçiriləcək. Layihə iki mərhələdə icra olunacaq. Birinci mərhələnin investisiya dəyəri 27 milyon manat təşkil edəcək.

İqtisadiyyat Nazirliyinin tabeliyində Azərbaycan Biznesinin İnkişafı Fondu layihədə 30 faiz paya malikdir. Ümumi sahəsi 4 hektar olan zavodda ildə 360 min ton orqanik gübrənin istehsalı planlaşdırılır. İsveç və Türkiyə texnologiyaları əsasında qurulacaq müəssisədə əsas xammal kimi Göygöl rayonunun “Çaykənd” yatağından çıxarılan yüksəkkeyfiyyətli bazaltdan istifadə ediləcək. Layihənin birinci mərhələsində 200 nəfərin daimi işlə təmin edilməsi nəzərdə tutulur. Layihənin ikinci mərhələsində isə bazalt əsasında yüksək texnoloji innovativ məhsulların - bazalt lifi, 3D printer üçün xammal olan filamenin və digər sənaye materiallarının istehsalı həyata keçiriləcək. Bu isə öz növbəsində layihəyə əlavə strateji dəyər verməklə yanaşı, müdafiə, tikinti və yüksək texnologiyalar sektorlarının müasir və davamlı məhsullarla təmin olunmasına töhfə verəcək. Layihənin ikinci mərhələsi çərçivəsində 300 nəfər işlə təmin olunacaq. Məhsullar həm daxili tələbatı ödəyəcək, həm də xarici bazarlara ixrac olunacaq.

Qeyd edək ki, xüsusilə yüksək texnoloji bazalt məhsullarına beynəlxalq bazarlarda böyük tələbat var. Bazalt mənşəli məhsullar kənd təsərrüfatı və sənaye sahələri üçün yüksək dəyərə malik, ekoloji cəhətdən təhlükəsiz və çoxfunksiyalı materiallardır. Vulkanik mənşəli və yüksək mineral tərkibli bazalt tozu torpağın qida balansını bərpa edir, strukturunu yaxşılaşdırır və məhsuldarlığı artırır, su hövzələrinin turşulaşmasının qarşısını alır. Bazalt liflərindən isə filtrasiya, səsboğucu, istilik buraxmayan, korroziyaya davamlı örtüklər, beton üçün qatqı və tikinti sahəsində istifadə olunan digər yüksək dayanıqlı materiallar istehsal edilir. Bu materiallar yüksək istilik müqaviməti, dayanıqlılığı və ekoloji təmizliyi ilə seçilir. Həmin xüsusiyyətlərinə görə bazalt lifləri aviasiya, raket texnikası, müdafiə və avtomobil sənayesi kimi yüksək texnoloji sahələrdə geniş istifadə olunur.

Bu müəssisənin yaradılması yerli resursların əlavə dəyərə çevrilməsi, ekoloji və dayanıqlı istehsal modeli ilə Azərbaycanın qeyri-neft sənayesinin inkişafına xidmət edəcək, rəqabətqabiliyyətli və ixracyönümlü məhsul istehsalını artıracaq. Müəssisədə xammal kimi yerli bazaltdan istifadə isə daxili təbii ehtiyatların səmərəli dəyərləndirilməsini təmin etməklə, istehsal zəncirini möhkəmləndirəcək.

***

Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 20-də Gәncә Memorial Kompleksində görülən işlərlə tanış olublar.

Reyting.az xəbər verir ki, Dövlət Şəhərsalma və Arxitektura Komitəsinin sədri Anar Quliyev dövlətimizin başçısına və birinci xanıma burada həyata keçirilən işlər barədə məlumat verib.

Qeyd edək ki, Gəncə Memorial Kompleksinin təməlini Prezident İlham Әliyev 2022-ci ilin yanvarında qoyub. 44 günlük Vətən müharibəsində Ermənistan ordusunun mülki əhaliyə qarşı törətdiyi cinayətləri özündə əks etdirəcək Kompleks raket zәrbәlәrinә mәruz qalmış yaşayış binalarının vә keçmiş parkın yerlәşdiyi ərazidə yaradılır. Ümumi sahəsi 4 hektar təşkil edəcək Kompleksdə ikimәrtәbәli muzey binası və sәrgi zalı olacaq. Burada mülki әhaliyə qarşı törәdilmiş cinayәtlәrlə bağlı ekspozisiya, həmçinin dağıdılmış binaların yerlәri ziyarәtçilәrә nümayiş etdirilәcәk. Kompleksdə, həmçinin konfrans zalı da yaradılacaq. Ərazidəki parkda yaşıllaşdırma işlәri aparılacaq, 700-ә yaxın ağac, 12 mindәn çox dekorativ kol vә güllәr әkilәcәk. Ermənistan ordusu tərəfindən atılmış raketin izini simvolizә edәn spiralvari kraterin dәrinliyi 13 metrdir. Hazırda muzey binasının tikintisi ilə bağlı son tamamlanma, həmçinin ekspozisiyanın tәşkili vә әrazinin abadlaşdırılması işləri həyata keçirilir.

Qeyd edək ki, Azərbaycan müharibədən dərhal sonra sülh təşəbbüsləri ilə çıxış edib, sülh gündəliyinin reallaşması üçün ardıcıl iş aparıb və artıq sülh müqaviləsi tərəflər arasında paraflanıb. Buna baxmayaraq, xalqımıza qarşı törədilmiş müharibə cinayətlərinin unudulmaması, tariximizin gələcək nəsillərə çatdırılması baxımından bu cür komplekslər mühüm rola malikdir.

***

Prezident İlham Əliyev və birinci xanım Mehriban Əliyeva avqustun 20-də Gəncə şəhər stadionunda aparılan tikinti işlərinin gedişi ilə tanış olublar.

Reyting.az xəbər verir ki, gənclər və idman naziri Fərid Qayıbov dövlət başçısına və birinci xanıma görülən işlər barədə məlumat verib.

Bildirilib ki, 1959-1963-cü illərdə inşa edilən Gəncə şəhər stadionu 1964-cü ildə istismara verilib. Son illərdə stadionun tamaşaçı tribunaları yararsız vəziyyətə düşdüyündən və texniki cəhətdən istismarı mümkün olmadığından bu idman qurğusunun fəaliyyəti qismən həyata keçirilirilib.

Prezident İlham Əliyevin 2023-cü ildə imzaladığı Sərəncama əsasən, Gəncə şəhər stadionunun yenidənqurma işlərinin layihələndirilməsi və həyata keçirilməsi üçün Prezidentin ehtiyat fondundan ilkin olaraq bir milyon manat ayrılıb.

Ötən il aprelin 9-da dövlətimizin başçısı stadionun təməlini qoyub.

Qeyd edək ki, bu il sentyabrın 28-dən oktyabrın 8-dək Azərbaycan növbəti böyük idman yarışına - III MDB Oyunlarına ev sahibliyi edəcək. Bunun üçün bir neçə şəhər və rayon seçilsə də, MDB Oyunlarının açılış və bağlanış mərasimləri, həmçinin əsas oyunlar Gəncədə keçiriləcək. Bütün bunlar nəzərə alınaraq şəhər stadionunun tikintisində işlər sürətləndirilib. Stadionun ərazisində köməkçi məşq meydançaları və Futbol Akademiyası binası tikilib. Yeni layihəyə görə stadionun ərazisi genişləndirilərək 10,4 hektara çatdırılıb. Nəqliyyat vasitələrinin təhlükəsiz giriş-çıxışı və parklanması ilə birlikdə idman arenasının ümumi sahəsi 12 hektardan çoxdur.

UEFA-nın 4-cü kateqoriya standartlarına uyğun inşa edilən stadionun tamaşaçı tutumu layihə üzrə 15 min 343 yerlikdir. Stadionda fiziki imkanları məhdud tamaşaçılar üçün müvafiq sayda oturacaqlar, media və VIP zonalar mövcud olacaq. Burada, həmçinin futbolçular üçün soyunub-geyinmə, konfrans, tibb, hakimlər, texniki heyət üçün otaqlar və digər zəruri sahələr də müasir səviyyədə qurulur. Stadionun daxilində bilet satışı, müxtəlif ictimai iaşə obyektləri, avtodayanacaqlar və nəzarət-buraxılış məntəqələri yaradılacaq. Stadion UEFA tələblərinə uyğun işıqlandırma, səs, yayım, internet, havalandırma, təhlükəsizlik və digər zəruri sistemlər ilə təchiz olunur. İdman qurğusunun ərazisində də geniş abadlıq və yaşıllaşdırma işləri həyata keçirilir.

Müxtəlif idman yarışlarının keçiriləcəyi Gəncə şəhər stadionunun inşası, ilk növbədə, uşaqlar və yeniyetmələr arasında futbola olan marağı daha da artıracaq, futbolla məşğul olmaq istəyənlərə geniş imkanlar yaradacaq. Bölgələrimizdə yeni idman komplekslərinin yaradılması, köhnələrinin əvəzinə müasir idman qurğularının inşası ümumilikdə ölkəmizdə idmanın kütləviliyini təmin etməklə yanaşı, gənc nəslin sağlam yetişməsi baxımından da böyük rol oynayır. Bu layihə, eyni zamanda, ölkəmizin III MDB Oyunlarının yüksək səviyyədə keçirilməsi üçün gördüyü işlərdən biridir.