Azərbaycan prezidenti İlham Əliyev Laçın rayonuna icra başçısı təyin edib.

Reyting.az xəbər verir ki, sərəncamla bu vəzifəyə Aqil Ağaxan oğlu Nəzərli təyin edilib.
Qeyd edək ki, Aqil Nəzərli bu təyinatadək Laçın rayon icra hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri vəzifəsini tuturdu. O, 12 iyun 2009-cu il tarixdən bu günə kimi icra başçısının müavini vəzifəsində çalışırdı.
A.Nəzərli 10 mart 1976-cı il tarixdə Laçın rayonunun Güləbird kəndində anadan olub. Ali təhsillidir. Elm və Təhsil Mərkəzi "Təfəkkür” Universitetini hüquqşünaslıq, Azərbaycan Respublikasının Prezidenti yanında Dövlət İdarəçilik Akademiyasını isə dövlət və bələdiyyə idarəetməsi ixtisası üzrə bitirib.
Yeni Azərbaycan Partiyasının Laçın rayon Təşkilatının sədridir.
Ailəlidir, iki övladı var.
Xatırladaq ki, bu il martın 3-də ölkə başçısı Laçın rayon icrahakimiyyətinin başçısı Akif Səlimovu tutduğu vəzifədən azad etmişdi.
Aqil Nəzərli həmin vaxtdan müavin olmaqla yanaşı, həm də icra başçısının səlahiyyətlərini icra edirdi.
Reyting.az