Bu gün Milli Televiziya və Radio Şurasınnın (MTRŞ) növbəti iclasında ANS-ə qarşı daha bir qərar qəbul olunub. 

Reyting.az MTRŞ-ya istinadən xəbər verir ki, qərarla ANS telekanalının efirində yayımlanan "Hesabat” analitik-informasiya proqramının 27 dekabr 2015-ci il və 17 yanvar 2016-cı il tarixli buraxılışlarında televiziya yayımının əsas prinsiplərinin və proqrama verilən tələblərin pozulması - proqramlarda informasiyanın tərəfsizliyi, qərəzsizliyi, əhatəliliyi, tam və doğru-dürüstlüyü prinsiplərinə əməl olunmadığını, işgüzar nüfuzun ləkələnməsinə yol verildiyini, faktlar və hadisələrin ədalətli şərh olunmadığını, birtərəfliliyə yol verildiyini nəzərə alnaraq, "Televiziya və radio yayımı haqqında” Qanunun 23.1-ci maddəsinə uyğun olaraq ANS televiziyasının efirində"Hesabat” analitik-informasiya proqramının (aparıcı Mirşahin Ağayev- redaksiya) yayımı 24 yanvar 2016-cı il tarixdən etibarən 1 ay müddətinə dayandırılır.

Amma verilən məlumata görə, telekanal rəhbərliyi bu qərarla razılaşmır və ANS şirkətlər qrupunun vitse-prezidenti Mirşahin Ağayev mətbuat konfransı keçirəcək. Bu barədə Musavat.com-a məlumat verən mənbə bildirib ki, Mirşahin MTRŞ-in gözlənilməz qərarından danışacaq, ANS-in bu qərarla bağlı mövqeyini bildirəcək