17:38 / 28-03-2024
Əməkdar artist vəfat edib
İlham Əliyev: “Cənub Qaz Dəhlizi” layihəsi yekun mərhələyə çox yaxındır”
Tarix: 22-02-2017 11:42 | Bölmə: Gündəm

Azərbaycan prezidenti İlham Əliyev fevralın 22-də ABŞ dövlət katibinin enerji diplomatiyası üzrə köməkçisinin müavini xanım Robin Danniqanın başçılıq etdiyi nümayəndə heyətini qəbul edib.

"Cənub Qaz Dəhlizi” Məşvərət Şurası çərçivəsində nazirlərin görüşlərinin Bakıda keçirilməsinin artıq yaxşı ənənə halı aldığını deyən İlham Əliyev, bu görüşlərin praktiki müzakirələrin aparılması baxımından vacibliyini bildirib. İ.Əliyev bunu həm də layihənin uğurlu icrasının göstəricisi kimi dəyərləndirib.

Ötən dövr ərzində bir çox işlərin görüldüyünü diqqətə çatdıran dövlət başçısı layihənin artıq yekun mərhələyə çox yaxın olduğunu qeyd edib. İ.Əliyev ABŞ dövlət katibinin enerji diplomatiyası üzrə köməkçisinin müavini Robin Danniqanın sabah Bakıda keçiriləcək "Cənub Qaz Dəhlizi” Məşvərət Şurası çərçivəsində nazirlərin üçüncü iclasında iştirakının əhəmiyyətini vurğulayaraq bunun ABŞ hökumətinin layihəyə davamlı dəstəyinin yaxşı göstəricisi olduğunu deyib.

Robin Danniqan "Cənub Qaz Dəhlizi” Məşvərət Şurası çərçivəsində nazirlərin üçüncü iclasına ev sahibliyi etdiyinə görə Prezident İlham Əliyevə minnətdarlığını bildirib. Bu görüşün layihənin icrası ilə bağlı məsələlərin nəzərdən keçirilməsi baxımından önəmli olduğunu qeyd edən qonaq ABŞ nümayəndəsinin bu iclasda iştirakının vacibliyinə toxunub. R.Danniqan bildirib ki, bu, ABŞ-ın yeni hökumətinin "Cənub Qaz Dəhlizi” layihəsinə, həmçinin Avropanın enerji təhlükəsizliyi məsələsinə dəstəyini bir daha açıq şəkildə nümayiş etdirir.

Görüşdə "Cənub Qaz Dəhlizi” layihəsinin icrası ilə bağlı məsələlər müzakirə edilib, sabah Bakıda keçiriləcək "Cənub Qaz Dəhlizi” Məşvərət Şurasının növbəti iclasının əhəmiyyəti bir daha vurğulanıb, ABŞ dövlətinin enerji siyasətinin bu layihəyə öz dəstəyini bundan sonra da davam etdirəcəyi əminliklə qeyd olunub.





Bölməyə aid digər xəbərlər
{sape_links}{sape_article}