İlham Əliyev Davosda panel iclasında iştirak edir - Canlı yayım - Yenilənib
Tarix: 19-01-2023 19:47 | Bölmə: Gündəm
İlham Əliyev Davosda panel iclasında iştirak edir - Canlı yayım

Yanvarın 19-da Davos Dünya İqtisadi Forumu çərçivəsində “Avrasiya Orta Dəhlizi: Yoldan magistrala” mövzusunda panel iclas keçirilir.

Reyting.az
xəbər verir ki, Azərbaycan Respublikasının Prezidenti İlham Əliyev iclasda iştirak edir.

***

"Azərbaycanda zəruri infrastruktur obyektləri daha çox yük qəbul etməyə hazırdır".

Bunu Azərbaycan Respublikasının Prezidenti İlham Əliyev yanvarın 19-da Davos Dünya İqtisadi Forumu çərçivəsində keçirilən “Avrasiya Orta Dəhlizi: Yoldan magistrala” mövzusunda panel iclasında deyib.

Dövlət başçısı bildirib: “Azərbaycan özünün Qərbində olan qonşuları Gürcüstan və Türkiyə, Şərqində isə Mərkəzi Asiya ilə gözəl münasibətlərə malikdir. Qərblə Şərq arasında təbii coğrafi bağlantıya malik olduğumuz üçün biz ötən illər ərzində nəqliyyat infrastrukturuna böyük sərmayə yatırmışıq”.

Prezident deyib ki, dəniz limanımızın 15 milyon ton olan yükaşırma qabiliyyəti 25 milyon tona qədər genişləndiriləcək və bunun üçün büdcə ayrılıb: “Yük artımının müəyyən səbəbləri var ki, onlardan biri ənənəvi marşrutlar boyu gözlənilən çətinliklərdir”.

***

"Bizim üçtərəfli əməkdaşlığımızın bir neçə formatı var - xarici işlər nazirləri, müdafiə nazirləri və iqtisadiyyat nazirləri arasında. Liderlərin də zirvə görüşləri baş tutub. Biz artıq bunun bəhrəsini görürük".

Reyting.az
xəbər verir ki, bu fikirləri Azərbaycan Respublikasının Prezidenti İlham Əliyev yanvarın 19-da Davos Dünya İqtisadi Forumu çərçivəsində keçirilən “Avrasiya Orta Dəhlizi: Yoldan magistrala” mövzusunda panel iclasında deyib.

“Biz aydın görməyə başlamışıq ki, burada balansa ehtiyac var, - biz, əlbəttə, enerji layihələrindən başladıq, - istehsalçı, tranzit ölkəsi və istehlakçı arasında balans. Biz hamı üçün uduşlu vəziyyət yaratmağa müvəffəq olduq və maraqların balansı təmin edildi”.

***

“Azərbaycanla Gürcüstan arasında münasibətlər zamanın sınağından çıxıb”.

Bunu Gürcüstanın Baş naziri İrakli Qaribaşvili Davosda keçirilən Ümumdünya İqtisadi Forumunun illik toplantısında deyib.

“Biz birlikdə çox mühüm və tarixi layihələr həyata keçirmişik, birgə neft və qaz kəmərləri çəkmişik. İndi biz Bakı-Tbilisi-Qars dəmir yolu layihəsi üzərində işləyirik və bu, son hədd deyil”, - o vurğulayıb.

İ.Qaribaşvili əlavə edib ki, Gürcüstan Azərbaycanla birgə müxtəlif təşəbbüslər üzərində çalışır.

Orta Dəhlizin əhəmiyyətini şərh edən Baş nazir Ukraynada müharibə başlayandan bu layihəyə diqqətin daha da artdığını vurğulayıb: “Bu dəhliz Asiyanı Avropa ilə birləşdirən ən qısa marşrutdur. Beləliklə, bu marşrutla Çindən Gürcüstana qatar 15, maksimum 20 günə çatır”.

O, dəhlizin böyük potensiala malik olduğunu bildirib.





Bölməyə aid digər xəbərlər
{sape_links}{sape_article}