Bu gün futzal üzrə Azərbaycan millisi Avropa çempionatında ilk oyununu keçirib. Reyting.az "Report"a istinadən xəbər verir ki, rəqib ikiqat qitə çempionu İtaliya yığması olub.

Serbiyanın paytaxtı Belqradda keçirilmiş qarşılaşma hazırkı çempionların qələbəsi ilə yekunlaşıb - 3:0. İlk yarının sonlarında azlıqda qalan Azərbaycan yığması tezliklə qapısında qol görüb. Aleks Merlim ikinci hissə başlayan kimi daha bir dəfə fərqlənib. Matçın sonlarında Daniel Giasson yekun nəticəni müəyyənləşdirib.

İtaliya - Azərbaycan - 3:0

Qollar: Aleks Merlim, 20; 21. Danel Giasson, 29

Qırmızı vərəqə: Amadeu, 19 (AZƏRBAYCAN)

Hakimlər: Mark Birkett (İngiltərə), Oleq İvanov (Ukrayna), Kamil Çetin (Türkiyə), Tomaş Frak (Polşa).

Belqrad. "Belqrad Arena"

Qeyd edək ki, Azərbaycan yığması növbəti oyununu fevralın 5-də Çexiya ilə üz-üzə gələcək. Qrup mərhələsinə fevralın 7-də yekun vurulacaq. Avropa çempionatında 12 komanda 4 qrupda mübarizə aparır. Reqlamentə əsasən, hər qrupda ilk 2 yerin sahibi 1/4 finala yüksələcək.