17:04 / 23-07-2019
Dollar neçəyə olacaq?
Türkiyənin məşhur seriallarının qəhrəmanları Musiqili Teatra gəliblər - Fotolar
Tarix: 01-07-2019 11:23 | Bölmə: Mədəniyyət
 Türkiyənin məşhur seriallarının qəhrəmanları Musiqili Teatra gəliblər

Bir çox ölkələrdə kifayət qədər populyarlıq qazanan Türkiyənin məşhur seriallarının qəhrəmanları – “Savaşçı”nın “Komutan”ı Murat Serezli və “Eşkiya Dünyaya Hökmdar Olmaz”ın “Mürsel Kara"sı Taner Turan və klassik Türk musiqi ifaçısı Nebahat Nalan Höke Azərbaycan Dövlət Akademik Musiqili Teatrında olublar.

Teatrdan Reyting.az-a verilən məlumata görə, rejissor Kənan Mahmudovun bələdçiliyi ilə teatra gələn qonaqları qurumun direktor müavini Hüseyn Hüseynov qəbul edib. Səmimi və işgüzar şəraitdə keçən görüşdə iki qardaş ölkə arasındakı mədəni əlaqələrdən söhbət açılıb, bir sıra yaradıcı təkliflər səsləndirilib.

Türkiyəli sənətkarlar Akademik Musiqili Teatrının yaranma tarixi, inzibati binası, ölkə başçısı cənab İlham Əliyevin sərəncamı ilə aparılan təmir işlərindən sonrakı fəaliyyəti və mövcud vəziyyəti ilə yaxından tanış olublar.

Onlar həmçinin Musiqili Teatrın səhnəsində gənc rejissor Elməddin Dadaşovun quruluşunda təqdim olunan “Buratino” (A.Rıbnikov, A.Tolstoy, tərc. N.Kazımov) tamaşasına da baxıblar. Səhnə əsərinin budəfəki nümayişinin xüsusi olaraq fiziki məhdudiyyətli uşaqlar üçün nəzərdə tutulduğu qonaqların diqqətinə çatdırılıb.

Tamaşanı heyranlıqla izləyən və növbəti səfərlərində də mütləq Akademik Musiqili Teatra gəlmək niyyətlərinin olduğunu vurğulayan məşhurlar teatrın belə sosial layihələrdə iştirakını rəğbətlə qarşılayıblar...

 Türkiyənin məşhur seriallarının qəhrəmanları Musiqili Teatra gəliblər
 Türkiyənin məşhur seriallarının qəhrəmanları Musiqili Teatra gəliblər
 Türkiyənin məşhur seriallarının qəhrəmanları Musiqili Teatra gəliblər
 Türkiyənin məşhur seriallarının qəhrəmanları Musiqili Teatra gəliblər
 Türkiyənin məşhur seriallarının qəhrəmanları Musiqili Teatra gəliblərскачать dle 10.5фильмы бесплатно




Bölməyə aid digər xəbərlər
24-06-2019, 18:00 Sami Yusuf Bakıya gəlib

{sape_links}{sape_article}