Deputat: “Mənim komitəm yetim-yesirə kömək edir”

Xəbər lenti

20:11 / 23-11-2024

Kiyevə nüvə silahının verilməsi müzakirə olunur

20:08 / 23-11-2024

"Qarabağ" qalib gəlib

19:22 / 23-11-2024

Məşhur idmançı 250 min avro cərimələnib - Foto

18:55 / 23-11-2024

Qəzzaya son hücumlarda 120 fələstinli öldürülüb

18:48 / 23-11-2024

NATO-nun baş katibi Trampla danışıqlar aparıb

18:40 / 23-11-2024

Avropa enerji böhranı ilə üz-üzədir

18:08 / 23-11-2024

Novella Cəfəroğlu: "İndi normal pensiya alıram, məbləği açıqlamaq istəmirəm"

17:57 / 23-11-2024

Prezident Su Təchizatı Xidmətinin fəaliyyət sahəsini genişləndirib

17:50 / 23-11-2024

“Azərenerji” və “Azərişıq”a yeni səlahiyyət verilib - Fərman

17:25 / 23-11-2024

Müğənni Nadir Qafarzadə: "Torpaq alıb neyləyəcəm ki?!"

17:04 / 23-11-2024

1-ci siniflərin yerdəyişmə prosesinə start verilir

16:47 / 23-11-2024

Keçmiş icra başçısı vəfat edib

16:39 / 23-11-2024

Agentlik sədrinin birinci müavini təyin olunan Xəyyam Məmmədov kimdir?

16:11 / 23-11-2024

Prezident hərbi xidmətə çağırışla bağlı sərəncam imzalayıb

16:05 / 23-11-2024

Prezident bir qrup şəxsi təltif edib - Siyahı

16:02 / 23-11-2024

Milli Müdafiə Universiteti ilə bağlı daha bir qərar imzalanıb

15:57 / 23-11-2024

Türkiyədə 3 ton saxta spirtli içki ələ keçirilib

15:45 / 23-11-2024

Nazirlər Kabineti daha bir qərar verib

15:34 / 23-11-2024

"Gürcü Arzusu": "Parlamentdə yüksək vəzifəli şəxslər öz postlarını qoruyacaq"

15:28 / 23-11-2024

Agentlik sədrinə yeni müavinlər təyin olunub - Sərəncam

15:08 / 23-11-2024

Temperatur düşəcək, leysan yağacaq - Xəbərdarlıq

14:31 / 23-11-2024

Müdafiə Nazirliyində xidməti müşavirə keçirilib

13:28 / 23-11-2024

COP29 zolaqlarında yol nişanları sökülür

12:30 / 23-11-2024

Azərbaycanda zəlzələ olub

12:10 / 23-11-2024

Sabahın hava proqnozu açıqlanıb

12:01 / 23-11-2024

"Sektorlar üzrə strateji planların hazırlanması Qaydası” təsdiqlənib

11:56 / 23-11-2024

Azərbaycanda saxlanılan rəis müavini həbsdən buraxılıb - 200 milyon ödəyib

11:29 / 23-11-2024

Milli Məclisin bəzi deputatlarına mənzil verilib

11:05 / 23-11-2024

Ceyms Bondun ifaçısı bu dəfə "Serjant Rok"-da oynayacaq

11:03 / 23-11-2024

Türkiyədə 70 kq qızılla tutulan azərbaycanlı diplomatdır? - (Yenilənib)

Xəbər lentinin davamı

Ən çox oxunanlar

12:05 / 19-11-2024

MMC vətəndaşın mənzilini dağıdıb, indi də obyektini ələ keçirmək istəyir - Fotolar

13:32 / 21-11-2024

Dünyanın ən güclü donanmaları... - Qardaş Türkiyə siyahıda neçəncidir?

19:50 / 19-11-2024

Beynəlxalq Bank 272 min manat cərimələnib

16:45 / 20-11-2024

Nazir: "Regionlardakı bəzi poçt şöbələrinin bağlanması araşdırılacaq"

16:22 / 20-11-2024

“Real Betis” klubunun nümayəndəsi Bakıda nəyə təəccüblənib? - Foto

16:45 / 21-11-2024

Prezident iki Mərkəzi ləğv edib - Sərəncam

09:37 / 21-11-2024

Naxçıvan səhiyyəsində həbslər başlayıb

00:07 / 22-11-2024

Hikmət Hacıyev: “Politico”nun üzr istəməsini tələb edirik!”

10:03 / 20-11-2024

Azərbaycan və Türkiyənin bələdiyyə təşkilatları arasında görüş keçirilib - Fotolar

00:45 / 22-11-2024

Məşhur yazıçının yeni romanı nəşr edilib - Foto

11:03 / 23-11-2024

Türkiyədə 70 kq qızılla tutulan azərbaycanlı diplomatdır? - (Yenilənib)

15:30 / 22-11-2024

Nüvə müharibəsi ssenarisi - Təhlükədən qorunmaq üçün bunker sifariş edənlərin sayı artır

Deputat: “Mənim komitəm yetim-yesirə kömək edir” - Müsahibə
Tarix: 03-02-2018 00:44 | Bölmə: Cəmiyyət

Şirift ölçüsü:

Xarici kəşfiyyatın hədəfinə tuş gəldiyini iddia edən Hadi Rəcəbli deyir ki, rəhbərlik etdiyi komitə kasıb-kusubla məşğul olur

Milli Məclisin əmək və sosial siyasət komitəsinin sədri, Yeni Azərbaycan Partiyası Siyasi Şurasının üzvü Hadi Rəcəbli deyir ki, ona qarşı Avropa ölkələrindən, konkret olaraq Almaniya və Fransadan təxribatlar törədilir. İddia edir ki, bəzi qüvvələr onun fikirlərini təhrif etməklə ölkədə münaqişə yaratmağa cəhd edir və bu işdə xarici kəşfiyyat orqanlarının da əli var.

Reyting.az H.Rəcəblinin ölkə.az saytına verdiyi müsahibəsini təqdim edir:

– Hadi müəllim, son vaxtlar sosial şəbəkələrdə sizin söylədiyiniz fikirlər ironiyalı formada müzakirə olunur. Bütün bunların səbəbini nədə görürsünüz?

– Əvvəla, mən tamamilə mətbuata qarşı dözümlülüyün tərəfdarıyam. Yadınızdadırsa, hələ 25 il öncə də mətbuat nə istəyirdisə, onu da yazırdı. O zaman hüquqi baza da indiki kimi deyildi. Ancaq Ulu Öndərimiz böyük dözümlülük nümayiş etdirirdi. Hamımızı da buna yönəltdi ki, bütün tənqidlərə dözümlü olaq. Cənab Prezident İlham Əliyev də məsələyə bu cür yanaşır, hər birimizə mətbuata dözümlü olmağı tövsiyə edir.

Mətbuatda gedən təhqir və digər nöqsanların bir müddətdən sonra həllini tapacağını düşünürük. Mən 45 ildir ki, siyasətdəyəm. Amma indiyədək jurnalistlərlə bağlı bir dəfə də olsun ki, məhkəməyə müraciət etməmişəm. Bunun da əsas səbəbi odur ki, mən də jurnalist olmuşam, bu sahənin çörəyini yemişəm, qəzetdə işləmişəm.

Amma mənə qarşı aparılan şər-böhtan kampaniyaları sistemli şəkildə xaricdən tənzimlənir. Misal üçün, bu yaxınlarda mənim haqqımda yazılan yalan və iftira məlumatlarının kökünü araşdıran zaman məlum olur ki, həmin materialı yayan sayt Avstriyada qeydiyyatdan keçib və heç bir əlaqə yaratmaq mümkün olmur. Çox təəssüf ki, xaricdə yaradılan bu cür təxribatçı saytların yerləşdirdiyi məlumatları Azərbaycanın ayrı-ayrı saytları da tirajlayır. Dəqiqliyini araşdırmadan yazılan yazıları saytda tirajlamaq nə qədər düzgündür? Bilirsiniz, təxribatın kökündə dayanan əsas məsələ mənim jurnalistlərə qarşı olduqca açıq olmağımdır.

Bəzən mənə sual verirlər ki, Hadi müəllim, axı niyə görə tanımadığın hər jurnalistə bu qədər açıq olursan? Cavab verirəm ki, mən də jurnalist olmuşam. Mənim çalışdığım sosial sahə bütün dünyada ağır və cəmiyyəti qıcıqlandıran sahə sayılır. Sosial qrup cəmiyyəti qıcıqlandıran sahədir.

Dünyada münaqişəşünaslıq elmi mövcuddur. Mənim söylədiyim fikirlərdən də nəyi çıxarırlarsa, hamısı münaqişə yaratmaq, təxribat məqsədi daşıyır. Mən maraqlanmışam, sözlərimi təhrif edib yayan saytlar əsasən Almaniyadan, Fransadan idarə olunur. Oradakı müxalif qüvvələr aranı qızışdırmaq üçün mənim fikirlərimi təhrif edilmiş formada yazırlar. Bu gün bizim kütlə psixologiyasına uyan adamlarımız olduğu üçün həmin saytlar bu insanları yönəltməyə çalışırlar.

Mən Azərbaycan saytlarının heç birinin bağlanmağının tərəfdarı deyiləm. İnternetin faydalı tərəfləri çoxdur. Ancaq kimlərsə mənim haqqımda mənfi şərhlər yazırlar. Kimsə də onun altından müsbət şərh yazırsa, onu vermirlər, çıxarırlar. Axı bu cür yanaşma qərəzlidir.

Mən 2013-cü ildə "Komsomolskaya pravda” qəzetinə rus dilində müsahibə vermişdim. Sonradan Azərbaycanın bir sıra saytları mənim rus dilində olan müsahibəmi təhrif olunan formada tərcümə edərək tirajlayıblar ki, guya mən internetin bağlanmasını istəyirəm. Bu yazılara görə mən bir ay müzakirə olundum. Hətta, ABŞ səfiri Prezident Administrasiyasına gedərək, məndən şikayət edib. Sağ olsun ki, "Kaspi” qəzetinin jurnalisti İlham Quliyev öz yazısında məsələnin üstünü açaraq, müsahibəmin səhv tərcümə edildiyini qeyd edib. Yəni, sonradan məlum olur ki, Azərbaycan mətbuatı mənim müsahibəmi təhrif edərək, tirajlayıb.

İnanın ki, nə qədər ordudan qovulan, müxalif düşüncəli adamlar varsa, hamısı mətbuata çıxıb, mənim haqqımda böhtan-yalan danışırlar. Sayt da həmin fikirlərin yalan olduğunu bilə-bilə onu tirajlayır ki, saytı çox oxunsun. Səməd Vurğunu, Cəlil Məmmədquluzadəni, Üzeyir Hacıbəyovu təhrif edən jurnalistə baxıb şükr edirəm. Özümdə deyirəm ki, mən ona baxanda şükürlüyəm.

Bəzən evdə məni qınayıb deyirlər ki, a kişi, sənin nə işin var mətbuatda, niyə müsahibə verirsən? Yaxşı, o zaman mətbuata müsahibə verməyim? Bunu etsəm, jurnalistlər məni tənqid etməyəcək? Biz açıq cəmiyyətdən danışırıqsa, bu olmalıdır.

Mən deyirəm ki, qənaətcil olaq, ələbaxımlı olmayaq və sairə, dərhal fikirlərimi təhrif edib, ayrı formada başlıqla verirlər. Mənim dediklərimin hamısı dövlətçiliyə, dünyada gedən proseslərə və sosial qanunlara əsaslanır. Bunu təhrif edəndə isə biz cəmiyyəti korlayırıq.

Sağ olsunlar, mənə qarşı aparılan şər-böhtan kampaniyasına yox deyərək, 4 QHT gəlib mənim yanımda olduğunu və həmin təxribatçı qüvvələrə nifrət etdiklərini bildiriblər. Qarabağ qaziləri bildirdilər ki, biz bu cür kampaniyalara qarşıyıq və iftiralara heç kəs uymasın. Bunu mətbuat da dərc edib. Ümumi nəticə də onu göstərdi ki, bütün bu şər-böhtan kampaniyalarının kökündə xarici kəşfiyyat orqanları və onların himayəsi ilə xaricdən idarə olunan saytlar dayanır. Onlar Azərbaycanda kütlə psixologiyasına uyan insanları dövlətə qarşı yönəltməyə çalışırlar.

Mən jurnalistlərimizi də dövlətimizin yanında olmağa və xaricdən təxribat yayan saytlardan qorunmağa çağırıram. Gərək ki, biz bütövlükdə cəmiyyətimizi, azərbaycançılığımızı, mənəviyyatımızı, obyektivliyi və sağlam xəbər saytlarımızı qoruyaq.

– Nəvəniz haqqında yazdığınız şeir də sosial şəbəkələrdə müzakirə olunur...

– Yazdığım şeirə görə mən nə üçün lağ edilməliyəm? Məgər şeir yazmaq qəbahətdir? Mən şeir yazmışam, daha deməmişəm ki, şairəm. Hadi Rəcəbli şair deyil, sadəcə olaraq öz nəvəsinə ürəyindən gələn şeiri yazıb. Bütün bunları yalnız və yalnız eybəcər, azərbaycançılıqdan kənar bədniyyətli qüvvələr deyə bilər. Axı Hadi Rəcəbli kimə nə edib? Mənim komitəm yetim-yesirə kömək edir. Hadi Rəcəblinin sədri olduğu komitə kasıb-kusubla məşğul olur. Verdiyim tövsiyələr də insanlara diqqət-qayğı və istiqamətdir. Mən nə deyirəm? Deyirəm ki, gedib kitab oxuyun. Rafaellə Coşqunun konsertinə bilet almaq üçün verdiyin 100 manata 5-10 faydalı kitab alıb oxumaq olar. Məgər mən bunu deməklə səhv edirəm? Mənim bu çıxışlarımda bir dənə belə səhv nə isə yoxdur. Mənim fikirlərimi təhrif edənlərin özləri təhrifə layiq adamlardır. Bütün bu cür müzakirələrin kökündə bir məsələ dayanır – düşmənçilik və kin.

Hadi Rəcəbli nə edib? Nəvəsinə şeir yazıb da! Hadi Rəcəbli 45-50 ildir ki, siyasətdədir. Yaşlı adama bu cür münasibət göstərmək doğru deyil.

– Bu yaxınlarda prezident İlham Əliyevin fərmanı ilə "Tütün məmulatlarının istifadəsinin məhdudlaşdırılması haqqında” qanun qüvvəyə minib. Bu qanun uzun illər sizin rəhbərlik etdiyiniz komitə tərəfindən hazırlanaraq, müzakirəyə çıxarılmışdı. Dövlət başçısının imzaladığı yeni qərar hansı dəyişikliyə gətirib çıxaracaq?

– Sözügedən qanun bizim komitə tərəfindən 15 ilə hazırlanıb. Komitə 15 il idi ki, bu qanunun üzərində işləyirdi, bu sahədə dünya təcrübəsi öyrənilirdi. Nəhayət ki, biz bu sənədin Milli Məclisdə müzakirəsinə və qəbuluna nail olduq. Sağ olsun ki, cənab prezident İlham Əliyev də bu sənədə imza atdı. Hesab edirəm ki, mövcud dünya qanunları içərisində ən optimalı və reallıqlara cavab verəni bizim qanunumuzdur.

Hazırda bu qanun çox uğurla işləyir. Burada bir ciddi məqam var. Biz qanunda ictimai yerlərdə siqaret çəkilməsinə görə daha çox sahibkarların cəzalandırılmasını göstərmişik. Çünki sahibkar öz kafe və ya restoranında siqaret çəkən insanlar üçün xüsusi otaqlar ayırmalıdır. Bu məsələ hazırda restoran və şadlıq evlərində də gündəmdədir.

Ancaq müştərilərdən də kiməsə dəfələrlə müraciət edilməsinə baxmayaraq, qayda-qanuna riayət etməyənlər də cəzalana biləcək.

Bu işə mətbuat da yaxından kömək etməlidir, insanları məlumatlandırmalıdır və sairə. Belə olanda cəmiyyət də qanuna daha tez alışacaq.

Bu qanunun qəbul edilməsinin əsas mahiyyəti siqaret çəkməyən insanların sağlamlığını qorumaqdır. Çünki siqaret çəkən insanlar siqaret çəkməyən insanların sağlamlığına ziyan vururlar. Yeni qanunla bu problem aradan qalxacaq.

Siqaretə alüdə olan xəstə adamlar var ki, bəzən onlar bu qanunun tələblərinə əməl etmək istəmirlər. Biz onlara deyirik ki, siqareti gedib küçədə çəkin, yanınızda olan insanlara ziyan vurmayın. İctimai yerlərdə siqaret çəkmək olmaz.

Bilirsiz ki, Azərbaycanda satılan siqaretlərin 70 faizi xarici istehsaldır. Bu yaxınlarda siqaretlərə tətbiq olunan aksiz versgisi artırılıb. Məqsəd insanlarda siqaretə olan marağı azaltmaq və yerli istehsal olan siqaretlərin satışını artırmaqdır.

Ana səhifəyə dön