Casus qalmaqalı böyüyür: alman kəşfiyyatçıları türklərin evinə gedir...
Tarix: 23-11-2019 11:05 | Bölmə: Dünya
Casus qalmaqalı böyüyür: alman kəşfiyyatçıları türklərin evinə gedir...

Türkiyə vətəndaşları ilə bağlı xarici ölkələrə sızdırılan kəşfiyyat məlumatı çərçivəsində 4 ay izlənildikdən sonra sentyabrda Ankarada həbs edilən hüquqşünas Yılmaz. S araşdırma apardıqları şəxslərin siyahısını özü əldə etmədiyini, bunun Almaniyanın Ankara konsulluğu tərəfindən ona təqdim edildiyini bildirib.

Reyting.az
xəbər verir ki, hüquqşünas Almaniya konsulluğunun sifarişi ilə ona verilən siyahını Türkiyənin Milli Mühakimə İnternet Sistemində (UYAP) araşdırdığını deyib.

Amma prokurorluq hesab edir ki, UYAP sistemində hər kəsin əldə edə bilməyəcəyi məxfi informasiyalar mövcuddur və hüquqşünas onlara çataraq almanlara ötürüb.

Qeyd edək ki, Yılmaz. S bir müddət əvvəl Almaniya konsulluğunda işə cəlb edilib və ona Almaniyaya mühacirət edən şəxslərlə bağlı araşdırma aparmaq göstərişi verilib.

Türk mediası qeyd edir ki, MİT-in bununla bağlı araşdırması və hüquqşünası saxlaması Almaniyada ciddi çaxnaşmaya səbəb olub.

Casus qalmaqalı böyüyür: alman kəşfiyyatçıları türklərin evinə gedir...

Məlumata görə, həm terror təşkilatları, həm də bu təşkilatlarla əlaqəsinin ifşa olunmasından ehtiyat edən alman kəşfiyyatı hərəkətə keçib. Almaniyada oturum tələbi olan terrorçular MİT-in Yılmaz. S-i ələ keçirməklə sahib olduğu sənədlərdə onların adının olub-olmadığını araşdırır. Qeyd olunur ki, alman kəşfiyyatı oturum tələbləri olan FETÖ və PKK üzvləri ilə əlaqə saxlayır və evləri bir-bir gəzərək “sizinlə bağlı məlumat türk kəşfiyyatının əlinə keçə bilər, yaşadığınız ünvanları dəyişin”,- xəbərdarlığını edir.

Almaniyanın Köln radiosu isə bu məlumatı doğrulayıb. Casus Yılmaz. S-in ünvanında axtarış zamanı 280 dosyenin ələ keçirildiyini qeyd edən radio miqrasiya nümayəndələrinə istinadla bildirib ki, Türkiyə vətəndaşları onlara zəng edərək narahatlıqlarını ifadə edirlər.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}