Ukrayna və İsveçin müdafiə nazirləri Mixaylo Fedorov və Pol Conson Stokholmdan göndəriləcək növbəti ən böyük hərbi yardım paketinin məzmununu müzakirə ediblər.

Reyting.az xəbər verir ki, bunu Ukrayna Müdafiə Nazirliyinin mətbuat xidmətindən bildiriblər.

Kommünikedə qeyd olunur ki, İsveç “Saab” tərəfindən istehsal olunan hava hücumundan müdafiə sistemləri və radarlar, eləcə də Ukrayna müdafiə sənayesinə töhfələr - dərin zərbə də daxil olmaqla əlavə elektron müharibə sistemləri və dronlar daxil olmaqla genişmiqyaslı yardım paketi hazırlayır.

Tərəflər həmçinin idarə olunan hava bombaları daşıyan təyyarələrə qarşı mübarizə aparmaq üçün əsas vasitələr olan Gripen təyyarələrinin tədarükü və Meteor raketlərinin ötürülməsi imkanlarını da müzakirə ediblər.

Qeyd olunur ki, Ukrayna və İsveç həmçinin PURL təşəbbüsünə (bu təşəbbüs Ukrayna üçün digər müttəfiqlərin hesabına Amerika silahlarının alınmasını təmin edir) əlavə töhfələr vermək imkanlarını da müzakirəyə çıxarıblar.

V. QULİYEV