Sabiq prezidenti məhkəmə zalında həbs etdilər - Səbəb
Tarix: 19-02-2020 11:12 | Bölmə: Dünya
Sabiq prezidenti məhkəmə zalında həbs etdilər

Seul Məhkəməsi Cənubi Koreyanın sabiq prezidenti Li Myung Bakı 17 il müddətində azadlıqdan məhrum edib.

Bu barədə “Yonhap” agentliyi məlumat yayıb.

Sabiq prezident mənimsəmədə və külli miqdarda rüşvət almaqda ittiham olunub.

Məhkəmə 78 yaşlı Li Myung Bakı 15,7 milyon dollar məbləğində cərimələyib. Sabiq prezident məhkəmə zalında həbs edilib.

Qeyd edək ki, daha əvvəl də Li Myung Bak korrupsiyada və rüşvətdə ittiham olunub. O, 2018-ci ilin 5 oktyabrında Seul Məhkəməsinin qərarı ilə 15 il müddətinə azadlıqdan məhrum edilib. Lakin 2019-cu ilin mart ayında səhhətinin pisləşməsi səbəbindən girov müqabilində azadlığa buraxılıb.

Xatırladaq ki, Li Myung Bak 2008-2013-cü illərdə Cənubi Koreyaya rəhbərlik edib/APA




Bölməyə aid digər xəbərlər
{sape_links}{sape_article}