Küçəyə maskasız çıxanlar cərimələnir
Tarix: 21-03-2020 21:15 | Bölmə: Dünya
Küçəyə maskasız çıxanlar cərimələnir

Çexiyada koronavirus pandemiyası fonunda küçələrə qoruyucu maskasız çıxanların cərimələnməsinə başlanılıb.

Reyting.az
xarici KİV-ə istinadla xəbər verir ki, Çexiyanın bəzi şəhərlərində artıq bir neçə nəfər cərimələnib.

Polisin nümayəndəsi Tomaş Kurtanın bildirdiyinə görə, Deçine şəhərində iki kişinin hər biri 430 dollara yaxın məbləğdə cərimələnib.

Mlada-Boleslave şəhərində də bir kişi belə cəzaya məhkum edilib. Onların üçü də küçədə maskasız yaxalanıb.

Dünən Çexiyada ümummilli karantin elan edilib – vətəndaşlara ciddi ehtiyac olmadan evdən çıxmamaq, küçədə isə məcburi şəkildə qoruyucu maska ilə gəzmək tövsiyə olunub. Bu qaydaları pozanlar 3 milyon krona qədər, yaxud 130 min dollara yaxın məbləğdə cərimələnəcəklər.

Rəsmi məlumata görə, Çexiyada cəmisi 925 koronavirusa yoluxma qeydə alınıb, hələ ki ölən yoxdur.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}