Okan Buruk: "Bu zəfəri çox böyütməyəcəyik"
Tarix: 03-04-2025 09:15 | Bölmə: İdman
Okan Buruk: "Bu zəfəri çox böyütməyəcəyik"

"Qalatasaray"ın Baş məşqçisi Okan Buruk Ziraat Türkiyə Kubokunun 1/4 finalında "Fənərbağça"nı səfərdə 2:1 hesabı ilə məğlub etdikləri gərgin oyunla bağlı açıqlama verib.

Reyting.az
Türkiyə mətbuatına istinadla xəbər verir ki, o, bu zəfəri gözlərində çox böyütməyəcəklərini deyib.

Okan Buruk Kadıköyə gələn və onları son saniyədək tək buraxmayan təxminən 2 min azarkeşə xüsusi təşəkkür edib: "Buraya gəlib bizimlə olan azarkeşlərimizə xüsusi təşəkkür edirəm. Onlar hər zaman yanımızdadırlar. Sözsüz ki, onlarla anaşı, qələbəmizdə ən böyük pay konsentrasiyanı, istəyini və oyun keyfiyyətini sonadək nümayiş etdirən futbolçularıma məxsusdur. Onlara belə gərgin atmosferdə sonadək mübarizə apardıqları üçün minnətdaram".

Baş məşqçinin sözlərinə görə, indi qarşıda onları liqa matçları gözləyir: "Bu, kubok matçıdır. Bu qələbənin təsirindən çıxaraq, Super Liqaya köklənməliyik. Sözsüz ki, kubok oyunlarını gözardı edən deyilik".

Azər
Reyting.az




Bölməyə aid digər xəbərlər
23-03-2025, 00:24 Azərbaycan millisi uduzub