12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
İsrail təmsilçisinin "Avroviziya"dan kənarlaşdırılması tələb olunur
Tarix: 11-05-2024 19:49 | Bölmə: Şou-biznes
İsrail təmsilçisinin "Avroviziya"dan kənarlaşdırılması tələb olunur

Bu axşam “Avroviziya-2024” Beynəlxalq Mahnı Müsabiqəsinin finalı olacaq. Ekspertlərin fikrincə, bu ilin əsas favoritləri Xorvatiya, İsveçrə və Ukraynadır.

Reyting.az
xatırladır ki, 7-9 mayda tarixlərində baş tutmuş yarımfinalın nəticələrinə əsasən, 26 ölkə bu yarışmada birincilik uğrunda mübarizə aparacaq.

Qeyd edək ki, Rusiya əvvəlki iki ildə olduğu kimi yenə müsabiqədə iştirak etmir - 2022-ci ildə Rusiya qoşunlarının Ukraynaya hərbi müdaxiləsi ilə əlaqədar bu ölkə yarışdan kənarda qalıb.

Böyük Britaniya bukmeker kontorlarının hesablamalarına görə, Xorvatiyanın 55-60 faiz udmaq ehtimalı var. Sonrakı yerlərdə İsveçrə - 20-25 faiz, Ukrayna - 7-10 faizlə qərar tutub. Digər ölkələrin qalib gəlmək şansı minimal hesab olunur.

Yarışmada Ukraynanı Yana Şemayeva və Alyona Savranenko "Teresa & Maria" mahnısı ilə təmsil edir. Bu mahnı qadınların düşmən qarşısında birləşməsi haqqındadır, ukrayna və ingilis dillərində yazılıb.

Müsabiqədə qalmaqala səbəb olan daha bir məsələ israilli iştirakçı Eden Qolanla bağlıdır. Fələstin ilə İsrail arasındakı hərbi münaqişə fonunda İsraili təmsil edən Qolanın müsabiqədə iştirakı kütləvi etirazlarla müşayiət olunur. Bu məsələ ilə bağlı etirazlar mayın 9-da - yarımfinal günü başlayıb. İsveçin Malmö şəhərində baş tutan mitinqdə polisin hesablamalarına görə, 5000-dən çox etirazçı iştirak edib. Etiraz yürüşünə çıxanlardan biri - İsraildən müsabiqəyə qatılmış müğənni E. Qolanın yarışmadan kənarlaşdırılmasını tələb edən ictimai fəal Qreta Tunberq deyib ki, musiqi yarışmasında əliqanlı ölkənin nümayəndəsi iştirak etməməlidir.

"Biz soyqırım zamanı səssiz qala bilmərik. Üstəlik, şəhərin mərkəzi meydanında digər tədbirlər olacaq və “Soyqırımsız mahnı müsabiqəsi” adlı konsert nəzərdə tutulub. İsrail bu müsabiqədən kənarda qalmalıdır",- deyə Q. Tunberq əlavə edib.

Oqtay QORÇU




Bölməyə aid digər xəbərlər
{sape_links}{sape_article}