Lalə Məmmədova: “Müğənnilərə verilməli olan qonorarı mənimsəyirlər” - Müraciət
Tarix: 06-03-2019 16:33 | Bölmə: Şou-biznes
Lalə Məmmədova: “Müğənnilərə verilməli olan qonorarı mənimsəyirlər”

“Prezidentin incəsənət xadimləri ilə sonuncu görüşü, yaşanan problemlər və onların aradan qaldırılması yolunda görülən işlər ürəkaçan və təqdirəlayiqdir”.

Reyting.az
“Yeni Sabah”a istinadla xəbər verir ki, bunu əməkdar artist Lalə Məmmədova deyib. Müğənni gələn görüşlərdə ona da imkan yaradılmasına ümid edir:

“Mən də milli estrada sahəsi və bu sahədə fəaliyyət göstərən müğənnilərin yaşadıqları problemlər barədə prezidentə danışardım. Təəssüf ki, biz sənətçilər etdiyimiz çıxışlara və iştirak etdiyimiz konsertlərə görə heç bir qonorar almırıq (solisti olduğum AzTV istisna olmaqla). İstər televiziya-radio, istərsə də paytaxt, rayonlarda açıq hava və ya qapalı konsertlərdən… Halbuki bu çıxışlara görə bizə az da olsa qonorar yazılır. Pulların kimlərin cibinə və hara getdiyi haqda kimsə nəsə bilsə də, heç kəs, heç nə deyə bilmir. Halbuki təşkil olunan bu tədbirlərə büdcədən sənətçilər üçün qonorar ayrılır. Səsimizi çıxarıb bir söz deyəndə dediklərindən belə çıxır ki, hələ minnətimiz olsun bizi efirə, konsertlərə buraxırlar. Yoxsa qadağa qoyarlar və efirlərə, konsertlərə həsrət qalarıq. Əsl yaradıcılığı olan sənətçi efir vaxtını səmərəli şəkildə doldurduğu üçün qonorar almalıdır. Bunu hər kəs bilir”.

L. Məmmədova bildirib ki, buna rəğmən, heç bir sənətçi indiyədək açıq danışmayıb:

“Sənətçilər toyun ümidinə yaşamamalıdır. Biz sənətimizlə az-çox olsa da, halal zəhmətimizlə haqqımıza çatanı tələb edirik, başqasının zəhmətində gözümüz yoxdur. Axı sənətçi başqa sənətlə məşğul ola bilmir. Məgər bütün müğənnilər toya gedib pul qazana bilir? Qazananlar da bir külfət ailə dolandırırlar. Bu gün milli estrada sahəsində də bu cür çirkin oyun oynanılır.

Cənab Prezident və Vitse-prezident! Sizin ölkəmiz naminə gördüyünüz hər bir uğurlu iş bizim gələcəyimiz üçündür. Bunu anlayır və sizi dəstəkləyirik. Ümid edirik ki, sadaladığım bu problemlər sizin nəzərinizdən qaçmayacaq, digər incəsənət məsələləri kimi bunun da həlli sizin sayənizdə yolunu tapacaq”.




Bölməyə aid digər xəbərlər
{sape_links}{sape_article}