Ötən həftə Baş nazir Artir Rəsi-zadə "Azəriqaz” İstehsalat Birliyinin səlahiyyətlərinin bir qismininin Fövqəladə Hallar Nazirliyi (FHN) ilə Energetika Nazirliyi (EN) arasında bölüşdürülməsi haqqında qərar verdi.

Qeyd edək ki, bununla bağlı xəbərlərdə "Azəriqaz”ın Qaz kəmərlərinə və cihazlarına texniki xidmət sahəsinin 01.05.2016-cı il tarixdən FHN-nin tabeliyinə verilməsi göstərilib.

Reyting.az Mia.az-a istinadən xəbər verir ki, əslində "Azəriqaz"ın Qaz İstismarı idarələrində fəaliyyət göstərən Təmir-bərpa xidmətinin tabeliyində olan "104 telefon xidməti”, eləcə də Regional qaz istismarı idarəsində şöbə kimi fəaliyyət göstərən Texniki istismar xidmətləridə FNH-nin nəzarətinə keçəcək. Energetika Nazirliyinin tabeliyinə isə Regional qaz istismarı idarələrində fəaliyyət göstərən İstehlakçılara satılan qaza nəzarət şöbəsi və texniki nəzarət şöbə veriləcək.

Məlumatda o da bildirilir ki, yaxın gələcəkdə Sayğacların Qəbulu və İstismarı Xidməti və Smart Tipli Saygacın Tətbiqi və Nəzarəti Şöbəsi Standartlaşdırma, Metrologiya və Patent üzrə Dövlət Komitəsinə, Layihə-smeta və Ekspertiza, Yeni Qazlaşma və İnkişaf, Qaz Təsərrüfatı obyektlərinin qazlaşdırılması üzrə Layihə, Yaşayış Məntəqələrinin Qazlaşdırılması üzrə şöbələrininisə"Asan xidmət”in sərəncamına verilməsi gözlənilir.