Kanada alimləri bəşəriyyətin sonu haqqında qorxunc proqnoz veriblər.

Reyting.az-ın məlumatına görə, Modern.az xarici KİV-ə istinadən xəbər verir ki, alimlərin hazırladığı hesabatda bəşəriyyətin məhv olma ehtimalı 2290-cı il üçün 50 faiz, 2710-cu il üçün isə 95 faizdir.

Alimlər iddia edir ki, genetik texnologiyalar sayəsində insanların IQ səviyyəsi və buna paralel olaraq risklər də artacaq.

Yer Kürəsinin sonu haqqında nəzəriyyəyə əsaslanan kanadalılar 3000-ci ilə qədər Yerdə həyatın məhv olacağını söyləyirlər. Amma əlavə edirlər ki, insanlar başqa planetlərdə məskunlaşmağa və nəhəng orbital kosmik stansiyalar inşa etməyi öyrənsələr bəşəriyyətin məhv olma ehtimalı kəskin azalacaq.

Xatırladaq ki, məşhur ingilis Stiven Hoakinq bəşəriyyətin yaşaması üçün başqa planetlərdə koloniyalar yaradılmasının əsas olduğunu deyib. O, yaxın 100 il ərzində Marsda insan məskənlərinin salınacağını da söyləyib.