17:38 / 28-03-2024
Əməkdar artist vəfat edib
Sabiq prezidentlər bir-birinə qarşı: “Qarabağ klanı” parçalanır
Tarix: 07-05-2021 16:25 | Bölmə: Dünya
Sabiq prezidentlər bir-birinə qarşı: “Qarabağ klanı” parçalanır

Erkən parlament seçkiləri Ermənistanda siyasi vəziyyəti daha da gərginləşdirib. Erməni siyasi qüvvələri faktiki olaraq bir-birlərini ittiham edirlər. İşin qəribə tərəfi odur ki, bir-birinə qarşı çıxan üç aparıcı fiqur Ermənistanın sabiq prezidentləridir. Azərbaycanın 44 gündə apardığı Vətən müharibəsi Ermənistanda siyasi iddiası olan və bir zamanlar ölkəyə rəhbərlik etmiş siyasi qüvvələrin planlarını alt-üst edib.

Reyting.az
xəbər verir ki, indi əsas qarşıdurma və ittiham üç sabiq prezident - Levon Ter- Petrosyan, Robert Köçəryan və Serj Sarksiyan arasında gedir.

Sabiq prezidentlər arasında münasibəti daha da gərginləşdirən isə birinci prezident Levon Ter-Petrosyanın bir neçə gün əvvəl ilur.am saytında yazdığı məqalə olub.

Sözügedən məqalədə birinci prezident qeyd edib ki, bu il martın 25-də onun təşəbbüsü ilə Serk Sarksiyan, Robert Köçəryan və özünün birgə görüşü keçirilib. Görüşdə Ermənstandakı ictimai-siyasi durum və gələcək perspektiv ətrafında müzakirələr aparıb.

Bu görüş zamanı Levon Ter-Petrosyan Ermənistanın ikinci və üçüncü prezidentlərinə təklif edib ki, bir platformada birləşərək Nikol Paşinyan hökumətinə qarşı mübarizəyə başlanılsın və erkən seçkilərdə birgə iştirak etsinlər. Lakin ölkənin ikinci prezidenti, hərbi cani Robert Köçəryan dərhal bu təklifə qarşı çıxıb və bunun qəbuledilməz olduğunu bildirib. Bununla da L. Ter-Petrosyanın üç sabiq prezidentin seçkilərdə birgə iştirak platformasının yaradılması təşəbbüsü rədd edilib, ümumiyyətlə, müzakirə mövzusu olmayıb.

Ter-Petrosyan qeyd edib ki, Köçəryanın onun təklifini süngü ilə qarşılaması “Vətənin Xilası” Hərəkatı ilə bağlıdır. Çünki bu qurum məhz Köçəryan tərəfindən yaradılıb.

L. Ter-Petrosyanın məqaləsində 25 mart görüşünün detallarının açıqlanması digər sabiq prezidentlərin kəskin etirazına səbəb olub. Sözsüz ki, birinci prezidentin ən optimal təklifinin rədd edilməsinin erməni cəmiyyətində hansı ovqatın yaranmasına gətirib çıxaracağı “Moska uşağı” Köçəryana bəllidir. Bu səbəbdən də Köçəryana yaxın şəxslər Ter-Petrosyanın bu detalları açıqlamasından sonra danışmağa başlayıb və üç nəfər arasında keçirilən görüşün digər ikisinin xəbəri olmadan açıqlanmasını pisləyiblər.

Köçəryanın ofisinin rəhbəri Viktor Soqomonyan deyib ki, Levon Ter-Petrosyan sanki bilərəkdən “Vətənin Xilası” Hərəkatının Köçəryan tərəfindən yaradıldğını iddia edib: “Belə görüşlərin birtərəfli şəkildə açıqlanmasına qarşıyıq, xüsusilə təfərrüatların məzmunu təhrif edildikdə”.

Məlumata görə, Ermənistanın sabiq prezidentlərinin, eləcə də Qarabağdakı separatçıların keçmiş liderlərinin görüşü ilə bağlı təklif Ter-Petrosiyandan gəlib: “Ter-Petrosyan erkən seçkilərdə ortaq iştirak etmək fikrində olduğunu da bildirdi. Ancaq Robert Köçəryan bu təklifi rədd etdi. Bako Saakyan bunu Ter-Petrosyana çatdırdı. Amma o, görüşün baş tutmasını təklif etdi. Görüş zamanı həqiqətən heç bir müzakirə olmadı, çünki Robert Köçəryan rədd etdi. Ter-Petrosyan hər şeyi doğru söyləmiş kimi görünə bilər. Onun dedikləri həqiqət deyil”.

S. Sarksiyan isə bəyan edib ki, Paşinyanı yıxmaq üçün müxtəlif formalar haqqında düşünmək olardı.

Beləliklə, Ter-Petrosyan seçkilərə az qalmış Paşinyana qeyri-adi formada dəstək verib. O, “Qarabağ klanı” adlandırılan komandanın səmimi olmadığını, əsas məqsədlərinin hakimiyyəti ələ keçirib əvvəlki vəziyyəti bərpa etmək olduğunu nümayiş etdirib.

Yeri gəlmişkən, qeyd edək ki, S. Sarksiyan da seçkilərə R. Köçəryanla birgə getmir. Sərksiyanın Respublika Partiyası seçkilərə Vətən Partiyası ilə birlikdə qatılacaq.

R. Köçəryan və tör-töküntüləri isə 20 iyun seçkilərinə Daşnaksütyunla birlikdə gedəcək.

Faktiki olaraq “Qarabağ klanı” parçalanıb, onun iki əsas lideri seçkiyə birlikdə gedə bilmir. L. Ter-Petrosyan isə son siyasi gedişləri ilə S. Sarksiyan və R. Köçəryanı hakimiyyətə gətirməyin erməni xalqı üçün təhlükəli olduğunu nümayiş etdirib.

Reyting.az




Bölməyə aid digər xəbərlər
{sape_links}{sape_article}