ABŞ prezidenti Donald Tramp administrasiyası qanun pozuntularına görə Harvard Universitetindən 1 milyard dollar təzminat istəyir.

Reyting.az xəbər verir ki, prezident Tramp bu barədə özünün “Truth Social” şəbəkəsində yazıb.

“Hazırda 1 milyard dollar təzminat istəyirik və Harvard Universiteti ilə gələcəkdə heç bir əlaqəmiz olmayacaq”,- Tramp qeyd edib.

Tramp universiteti “dərin antisemitizm” adlandırıb və əlavə edib ki, universitet “qanunun kobud şəkildə pozulmasına” yol verib.

Keçən il Vaşinqton administrasiyası yəhudi tələbələri antisemitizmdən qorumaq zərurətini əsas gətirərək universitetin siyasətində dəyişikliklər tələb edib. Həmçinin universitetə qarşı bir sıra digər tədbirlər də görülüb. Tramp, xüsusən də, onu siyasi təşkilat kimi təyin etməyi və vergidən azad statusunun ləğvini təklif edib.

ABŞ Təhsil Nazirliyi universitetə 2,2 milyard dollarlıq qrantların və 60 milyon dollarlıq uzunmüddətli müqavilələrin dondurulduğunu bildirib.

ELÇİN